Uar An Um Taktak: Anmah Serchom Bakin Uico Ralhrang An Doh Hna

Laimeithal ( တူမီး ) he ralhrang a dohmi မောက္ကတော်ချောင်းရိုး-ပကဖ
💪💪💪
Sagaing ramthen, Mingin khua, မောက္ကတော်ချောင်းရိုး ah mipi kilvengtu ( ပကဖ ) nih mahten serchom mi laimeithal ( တူမီး ) bak in ramri a rak lonhmi ralhrang an rak doh mi hna. November ( 25 ).Laicomm

Relchap: US, UK, EU le UN zong Kawlram kongah an lungdong pah cang seh law a lo ngai. Kawl ralkap cozah le Kawlte thluak hi fawi tein rak ti khawh a si lo ning le rak tei khawh an si loning hi an i fiang pah ve cang rua. Anmah tuai in va tuai ve cang ko hna seh tiphun in um dawh an si cang hna. Russia le Tuluk dirpi mi ram le uktu tthalo pawl cu thluk khawh an rak si lo zia an i fiang ngaingai cang.

Yahweh Pathian nih dah Biakam hlun chan i Israel mi hna caah khuaruahhar in ral a doh piak hna bantuk phun in rian a ttuan dah ti lo ahcun Kawlram thlennak ding hi cu fawi dawh a si ti lo. Raldoh le raltuk nih vawlei cungah tthat lonak tambik a chuahpi fawn. A chuahpi mi tthat lonak le rawhralnak hi chim cawk lo a si ko lai. Vawlei cungah a tthangcho bik le a fimbik ram hna hmanh nih an lungdongh cangmi hi cu fawi dawh si ti lo.

(Salm 143:1-12), “Bawipa, ka thlacamnak cu ka theihpiak law kan nawlnak cu ka ngaihpiak ko. Nang cu na ding i zumhawktlak na si caah Ka thlacamnak cu ka let tuah. Keimah na salpa hi na hmaika i biaceihnak ah ka phakter hlah; na hmaiah hin ahohmanh a sual lomi an um lo. Ka ral nih a ka hrem i a ka tei cikcek. A muimi thonginn chungah a ka khumh i hlanpi ah a thi cangmi hna bantuk kha ka si. Cucaah ka celh ti lo i ka hnabei a dong. A liam ciami ni kha ka hun thei ṭhan hna; nangmah nih na tuahmi thil vialte kha ka hun ruat ṭhan hna i na tuahmi thil vialte kha ka hun hngal ṭhan hna. Nangmah leiah thlacam in ka kut cu ka hler hna; vawlei car nih ti a ngaih bantuk khin ka nunnak nih nangmah cu an ngai.

Bawipa, atu ah ka let ko sawh, ruahchannak zeihmanh ka ngei ti lo! Ka thuh tak hlah, na ka thuh tak ahcun mithi khua i a vung kalmi bantuk ka si ko lai. Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko. Bawipa, huhphenhnak hmuh duh ah nangmah cu kan fuh; ka ral hna kut chung hin ka chanh ko. Nangmah cu ka Pathian na si; cucaah na duhnak tuah kha ka cawnpiak ko. Na velngeihnak thawngin himnak lam ah ka hruai tuah. Bia na ka kam bang khan ka khamh tuah, Maw Bawipa ; na ṭhatnak thawngin ka harnak chung khan ka chuahter ko. Na ka dawt caah ka ral cu that hna law a ka dohtu vialte kha hrawk hna, zeicahtiah keimah cu na sal ka si.” Credit-Van Tum

Be the first to comment

Leave a Reply

Your email address will not be published.


*