U.S. KHRIHFA NIH PRES. OBAMA AN TTANH

COVID – 19 ruangah Stay – At – Home lio a si. TV zoh ah coronavirus kong lawnglawng. News dang rel awk an tlawm. Inn ah i erh a fawi lo. Cucaah hi cabia tawite hi kan hrawmh hna.

Ka ttial duhnak a ruang a um pah. Former president Barack Obama cu Muslim a si; Khrihfa a si lo, tiah comments a pemi nan um, ka Facebook ah. Ka khuaruah a har. Lihbia a si, ka ti lo. Biadik lo a si. President a rak i cuh lioah Muslim a si men lai, Khrihfa a si lai lo tiin bia a chawk. U.S. ah a chuak lo, ti tiangtiang in an rak doh. Cu hna cu lamkam bia a si kho men.

Biadik lo a si zia belte langhter a hau. U.S. ah Khrihfa 70.6% kan um. Khrihfa nih thimfung (votes) tampi an rak pek, kum 2008 le kum 2012 ah. Cucu tehte an si. Thimfung an pekmi a tawi khawh chungin kan zoh lai.

Kehlei Democrats; Orhlei Republicans.

2000 kum 2004 kum 2008 kum

——————————-

Gore-Bush (%) Kerry-Bush Obama-McCain

Protestant : 42 – 56 40 – 59 45 – 54

Catholic : 50 – 47 47 – 52 54 – 45

White Catholic: 45 – 52 43 – 56 47 – 52

Hispanic Catholic: 66 – 33 65 – 33 72 – 26

White Evangelicals : n/a – n/a 21 – 78 24 – 74

2012 kum 2016 kum

———————

Obama-Romney (%) Clinton-Trump

Protestant: 42 – 57 39 – 58

Catholic: 50 – 48 45 – 52

White Catholic: 40 – 59 37 – 60

Hispanic Catholic: 75 – 21 76 – 26

White Evangelicals: 21 – 78 16 – 81

# Biaknak dang tam deuh D leiah an dir.

Source: Pew Research Center

Acunglei zoh tikah bia fun khawh a simi cu:

1) 2000 kum – 2016 kum ah Democrats aiawhin president a rak i cuhmi vialte lakah Obama nih Khrihfa thimfung tambik a hmuh. Al Gore a tei. John Kerry a tei. Hillary Clinton a tei.
2) Obama nih Catholic le Hispanic Catholics ah John McCain (R) le Mitt Romney (R) a tei hna.
3) Obama nih Clinton nakin White Evangelicals thimfung tam deuh a hmuh.
4) White Evangelicals nih R an ttanh. A fiang. Bush, McCain, Romney le Trump an dirpi dih hna. Trump lawng an ttanh lo.

5) Clinton cu Khrihfa hna nih an dirhkamh tuk lo ti a lang.

Cucaah Khrihfa thawngin 2008 kum le 2012 kum thimnak ah a tling. Electoral votes he popular votes he min ngei bakmi McCain (R) le Romney (R) a rak tei hna. Khrihfami nih Obama an duh caah a si. Muslim a si ee timi cu biadik a si lo. Khrihfa a si lo ee, timi zong biadik a si lo. Thimfung hi tehte ttha bik a si.

Catialtu: Zo Tum Hmung

 171 total views,  1 views today

This function has been disabled for Chin 11 News.