Tuzing September 10 Ah Hakha In Thantlang Ah Ralkap Motor 3 An Ra Than

Tuzing septembaer 10 ah Hakha in Thantlang ah Min Aung Hlaing ralhrang motor 3 in an ra tiah theih a si. Thantlang ah hin kan hnu lei Hakha le Thantlang keilar i kahnak a chuah hnu in a voithumnak ralhrang thazaang an chap a si cang tiah khuami upa pakhat nih a chim.

Relchap: Tanintharyi ramthen ,Dawei pengkokh Thayet Chuang peng, Taung Pyauk khua ah ralhrang le TYC – PDF hna kar ah September 7 ni lawng ah kahdoh nak 3 a um i ralhrang lei in minung 6 an thi minung 3 an hliam hna.

Kahdohnak chung ah PDF lei in athi mi le a hliam mi an um lo tiah Dawei mipi veng tu a hawikom ralkap phu DPDA nih a thanh. Kahdohnak hmun khuami inn pakhat cu mei in an khangh i Tangka ting 12 le facang tun hna an i lak tiah an chim.

Sualnak ngei lo khuami 8 cu an tlaih hna i pakhat tu cu an thlah than tiah an thanh. Dawei mipi vengtu a funtom mi bu (DPDA) phu cu (ေဒါင္းမင္းစစ္ဆင္ေရးအဖြဲ႕)tel in a hawikom mi PDF phu 9 a fonh mi mipi vengtu ralkap an si. Taung Pyauk (ေတာင္ေပ်ာက္) khua kahdohnak kong ah ralhrang lei in thawngthanhnak an tuah mi um rih lo.TCP

Be the first to comment

Leave a Reply

Your email address will not be published.


*