Shan Ramkulh Monku Peng Nawhku le Mannmaw kar ah Kokant (Kokang) ralkap MNDAA le SAC ralkap hna cu August 31 zinglei 8:00 in kah hram an i thok ruang ah a thla lawng si rih mi bawhte ngakchia hna telh in khuami cheukhat an zaam.
“Tuzing kahdohnak a fak i Nawhku khuami hna cu Tuluk ramri lei ah an zaam dih cang,” tiah khuami pakhat nih a chim. Shan ram Chaklei kahdohnak ah SAC ralkap lei a thi mi an tam i atu hi ralkap thazaang an chap cuahmah tiah theih a si.
July thla thokka khan nihin tiang Shan ram Chaklei ah hin SAC ralkap le Kokant, KIA tibantuk nifatin in an i kap, tiah Kachinwaves nih a langhter.THT
Relchap:Mizoram Hmun Cheukhat Tilian Ruangah Minung 200 Hrawng Thial An Si Kan hnu zarh chung Mizoram thlanglei ah ruah a tam ruangah Tipi a lian i khua cheukhat cu khuachung chuahvah khawh lo tiangin ti nih a phum i,minung 200 hrawng hmunhimnak ah an thial hna.Tipi kam dum zei mawzat ti nih a phum.
Lunglei district chung tipi kam ah a ummi Malsury khua chungah hmun cheukhat cu ti nih a phum ruangah chungkhar cheukhat hna cu Border Security Force (BSF) hna nih hmunhimnak lei ah an thial hna.
131 Bn. BSF commandant Col. KS. Nautiyal nih; Tipi lianh ruangah hmunhimnak ah an thial mi hna hi minung 200 hrawng an si lai. Tilian ruangah eidin harsatnak a tongmi hna an um a si ahcun a si khawh chungin bawmh kan timh hna tiah a chim.
Tlabung post news editor nih a chim ningah tilian ruangah inn le lo a phum mi an um rih lo tiah theih a si i, tipi kam ah an tuah mi dum hna cu ti nih a phum pin ah ti hi a lianh chinchin ruangah inn zei mawzat cu ti nih a phum khawh mi a si tiah theih a si.
Ref; vanglaini
Leave a Reply