Tuzing Ka Ah Ralkap Nih Khua An Khangh Nolh

Ralhrangbu nih Myintat khua an Khangh Sagaing ramthen, Dipeyin pengah a um mi Myintat khua ralhrangbu nih tuzing August 10 suimilam 7 le cheu hrawngah an lut i, inn cheukhat an khangh tiah a zaam lio mi khuami pakhat nih a chim.

Nizan ah Tainet khua ah a riak mi ralhrangbu hna cu tu zingah Myintat khua an lut than i, mei an khangh hi a si.Ralhrangbu hi minung 60 hrawng an si.

Khuami an tlaih mi hna zong hri in an tem hna i an hruai hna.Khuami hna cu an zaam dih ngawt cang.Khua an khangh mi belte cu lam hla in a si caah fiang tein a lang kho lo.Khua zong kan naih ngam lo tiah Myintat khuami nih an chim.

Hi ralhrangbu hna hi August 8 le 9 ah Dipeyin peng Nyounghla, Marakan, Weci, Natmya, Murokung khua 10 ah an lut i, thil an kawlnak ah khua khat ah tangka sing za leng man thil an hrawh tiah Khit Thit Media nih a tial.TCP