Khin Oo ah dalan silai tiah ruahmi pafa hna an thah hna,Palae zong ah dalan tiah ruahmi pakhat nam in an thah; Sagiang Shwebo ramthen,Khin Oo peng, Yuatan khua ah dalan thawngpe tu silai tiah ruahmi pafa hna pahnih thah an si tiah khuami hna sin in theih a si.
Sagiang Shwebo ramthen, Khin Oo peng Yuatan khua ah pyusawthi phu hna he i pehtlai in mipi um nak inn cu a chim i dalan a si Lai tiah ruahmi Phoe Pya(kum-40) hrawng le a fapa Chit Oo(kum-24) hna cu August thla 2,zaan suimilam 11 ah,an um nak inn ah meithal in an kah hna,cun thah a tong mi Phoe Pya nupi Khin Moe Myint zong meithal in an kah caah hliam a tuar tiah theih a si.
“Yuatan khua ah ralhrang nih luhhnawh in hnahnawh nak an pek hna hi voi 10 a si cang, Yuatan khua ah dalan tiah ruah in an thah mi hna hi minung 3 an si cang. Khin Oo peng chung zong ah dalan an thah mi hna hi minung 15 an si cang” tiah khuami pakhat nih achim.
Palae peng Cawngwin khua ah ralhrang sin ah thawng pe tu tiah ruahmi U Myint Tan zong August 2, zaanlei suimilam 6 luan ah nam in an tuk caah a thi tiah thawngzamh nak ah an langhter.
Leave a Reply