Tuzan Suimilam 7 Hrawngah Laiza Pawng KIA Umnak Cu Kawl Ralhrang Nih Vanlong In An Kah Hna!

A Poi Kho taktak. Laiza pawng ummi KIA umhmun Cu Ralhrang nih Vanlong in an kah than hna tiah theih a si. KIO Zungpi umnak Laiza pawng KIA Batalian 19 le 24 Cu Tuzan Suimilam 7 Hranwgah Ralhrang nih vanlong in voili an kah hna tiah theih a si.

“Baralian 19 hmunhma ah a tla, 24 zongah pakhat a tla” tiah KIO chimnak nawl a ngeitu Tongmangbawi Naw Bu nih a chim hi a si. Kawl ralkap nih May thla chung cu kah ngolnak kan thanh tiah an chim mi cu lih lawngte si ko cang hih.

Mumoh Pengah KIA Batalian 25 hmunhma ah tuzanlei ah vanlong thiamthiam hna tiah theih a si i, Mumoh pengah KIA le Kawl ralhrang i kahnak hi, Thlakhat leng a si cang. Credit: TCP/ Kanchinwave

Relchih : A Zumh Zumh Lo Ding: Kawl ralkap nih kahnak kan ngol lai an timi hi thawngtha ah ruah ding si lo Ralkap an mihlennak hi i zumh len ding si lo. Ralkap lei nih May thla chung cu kahnak kan ngol lai tiah thawng an zamh. Cucu Laimi tel in cheukhat nih thawngtha tuk ah kan ruah sual. A zei thawngtha nemnam An mihlennak kuat a si.

Kahnak kan ngol lai hi tutan lawng si lo. Hlanpi in an rak chim pengmi a si. Nain an dai bal taktak lo. Tlangcung ralkap phu khat khat kha fak pi in tuk a duh tikah kahnak kan ngol lai a ti zungzal. Ee sitak a tha tuk tiah hnangam tein mi um lio ah tlangcung ralkap phu khat khat kha ceilak in a tuk tawn hna.

 

Tutan kahnak kan ngol lai timi zong hi lih a si. Zumh ding a si lo. Hi kong ah Kan kut daih ter ding si lo. Thawnter deuh leh lam ding si. An tha a dih cuahmah. Anmah le anmah an i kap. An lung dong cang. Biatak in nam chih ding an si. Kahnak kan ngol lai a ti nain KIA cu vanlong 8 bak in a kah ko.

 

KNU zong a kah thiamthiam. Ralkap an i phazo ti lo i KIA hi biatak in a ralkap vialte hmang in kah a duh i si kho. Zeicahtiah KIA nih a thami le an sakhan a lakmi a tamtuk. Nifatin ti awk kawl ralkap sakhan an lak. Cucaah zeibantuk tuni ralkap an thawngzamh kha i zumh sual lo ding si. Kawl ngian an mi lemnak bak a si. Credit: Tluang Ceu Thang