Tuzan Lei Thantlang Thawngpang Cu Dah Ngai A Va Phun Dang Ve Aw!

Thantlang ah Motor 6 in Ralkap an Phan! Nihin zanlei sml. 4:15 hrawng ah motor 6 in Thanthlang ah ralkap an phan i, sml. 5:00 hrawng ah ralkap motor pawl cu an lawng in Hakha lei ah an kir, tiah mit in a hmutu hna nih The Chin Journal ah an chim.

Zei ruang ah dah Thanthlang ah ralkap thazaang an chap timi fiang in theih a si lo nain Thantlang khuachung i mipi cawlcanghnak ah hruaitu deuh pawl ralkap nih an sel hna i a si kho, i ralrin kan hau, tiah khuami pawl nih an chim. Lungler ralkap zong Thantlang lei ah an kal, tiah thawng kan theih. Credit: The Chin Journal

Relchih Ding: Tulio kan rampi cu ral a tho taktak ko cang! Nizan Kalay ah mipi le ralkap cu fak ngaiin i kah dohnak a chuak cang. Ralkap zong hliamhma a hmumi an um tiah a kaptu lei nih an chim. Cun Mipi lei zongin minung nunnak pali kan sung ve tiah hruaitu lei nih an chim.(A Tu hi Pali lawng an si ti lo.

Mithi kan tam chin lengmang cang) Kalay lei minung cu an thisen ah tihmi an ngei lo. Kalay in ralkap pawl hi kan dawi cang hna lai tiah upa hna nih biakhiahnak an tuah cang. An thinlung put ruah tikah tihnak an ngei ti lo. Ralkap le palik doh dingin timhcia an sicang tinak si.

Cu tluk in Kalay kawlrawn ummi nih ralkap le Palek doh dingin timhtuahnak an ngeihlio ah Lai tlanglei khuate kip cu zamnak khua lawng an khang cang tiah thawngpang a thang ngaingai. (Khuate pawl hi a zammi an tampi nain zam lo bak in ralkap kan doh lai tiah hriamnam timhcia tein an um cang tikah hna a hung ngam deuh!) Lai khuate cu meithal ngeimi kan si.

Sakah thiamzong nan si hna tiah ralkap hi tih ding hrimhrim an si ti lo! Nan meithal nan zenkhuan kha a tu tein timhtuahnak rak ngei cang uh. Ralhrang nan khua an rak luh ahcun Kuancik in rak phomh hna uh. Minung hi thih tih lo pakhat hmanh kan um lo bantuk in ralkap zong hi thih a tih tukmi an si.(lai khuate tampi cu Mizoram ah 4.8 Zenthong an cah cuahmah cang hna hih)

Lai Khuate kip nih meithla he nan rak doh hna ahcun ralkap hi lai khuate hrimhrim ah an rak lut ngaam ti lai lo. Thantlang peng ah khua 86 hrawng kan um i, Lai Meithal hi a khua kip in kan ngei cio hna. Cu tikah tutan hrimhrim cu hmun dang kaa dangah ralkap an tei lo hmanh ah kan tlang hrimhrim ahcun Laimi nih ralkap hi tei hrimhrim dingin khuate kip rak i tim cio uh! Kan hnu lei in CNA Ralkap nih an van kan bawmh chinchin lai i, kan laitlang ahcun teinak kan hmu hrimhrim lai.

Ram Bu Thang Nih A Tialmi Relchih ding: Atu lio kan kawl ram cu Rampi ral a tho cang ko i,CNA ah Chin mino luh a herh lo. Laimi cu ramvai sakkah miphun kan si caah, nanmah khuacio in ral an rat sual ahcun ready tein um kha a bia pi bik ko ziah ca tiah ti ahcun CNA ah kan kal dih asi ahcun Nu le ngakchia, Nutar putar kaltak awk an tha lo, cun khua te kip a humhak tu an um lai lo caah, fak piin kal tak mi harnak an ing lai.

Cu caah,Chin ram khuate kip ah, pa a um mi vialte kuang le zen tampi in I chia cio u si, cu khua ahcun ralkap an ra ee thawngpang nan theih ahcun nan khua cio phan hlan in rak bawh cio u, thih ah thi tiin kap ding an si ko. Cun Kawl uico datmiah nih Khua kip Meithal nan up dih lai an ti ti asi rak ap hrim hlah uh, nan ap sual ahcun I khamhnak nan ngei lai lo. Cun cozah zong an si fon ti lo.

CRPH nih mitha lo an si tiah thawngthanhnak an tuah ko cang kha. Mitha lo cu aho hmanh nih kan doh cio ding asi. Cu caah atu lio can hi, khuate um miphun hawi hna, CNA long in rinh awh an tha ve lo Mipi zong mah le ngei mi hriamnan tein doh a hau ve cang.