Tuzan Ah Esther A Tlak Sual Ahcun Ruah Ning Phundang

Tuzan ah Esther a tlak si ahcun ruah ning phundang in a um kho. Myanmar Idol season 4 Top 4 finnalist zuamnak ah Esther cu hla lak ning ai palh.

Cu ruangah tuzan December 20, 2019 zan result show ahhin a tla lai tiah minung tam deuh nih zumh cio a si. A ruang cu ai palh mi ruang te ah khan a tla lai tiah zumh cio a si ko.

Tutan Myanmar Idol cu an voi 100 deng si cang. Teinak timi cu mipi voting in a kal tiah an ti. Judge zong nih vote an ngei i mipi zong nih vote an ngei. Sinain mipi vote kha biapi in an lak mi a si caah ramchung ramleng mipi vote in biakhiahnak tuah a si tiah Kyaw Htet Aung nih voitamtuk a chim cang.

Khah, tuzan ah Esther a tlak ahcun Myanmar Idol hi mipi vote in a kal lo ti a fiang lai. Judge le tuanvo ngeitu hna khuakhannak in a kal ti a fiang cang lai. Tuzan ah Esther hi mipi vote cu a tla lo hrimhrim lai. A ruang cu a tla sual lai ti phan in mipi tan an la cio i cu hlan nak in mipi nih thazang an chuah deuh.

Cu ruangah mipi vote in khua an khan taktak ko ahcun Esther hi a tla lai lo. Judge le tuanvo ngeitu khuakhannak in Myanmar Idol a kal ko ahcun Esther lawng zahan ah khan ai palh mi a si caah a tla khomi a si.

Zei si hmanh ah teinak cu Bawipa kut ah a ummi a si ko caah Esther hi tuzan ah tla hrim rih hlah sehlaw Grand finnal phan hrim ko seh. Online intervie tete kan zoh ahcun Esther hi Kawlram hlasak thiam dang le minthang dangdang zong nih hlasak a thiam performance tling a si tiah an duh ngaimi a si.

Esther nih hla ai palhnak a ruang zong kha cheukhat nih music an i palh an ti i cheukhat nih hnakhaw benhmi earphone a that lo ruang ah a si a timi zong an um ve.

 

 122 total views,  1 views today

This function has been disabled for Chin 11 News.