Tuzaan Suimilam 9:00 Ah PDF Le SAC Ralhrang Kalay Thlanglei Tayakone le Thuma Karlak Ah An I Kap

Kalaymyo thlanglei Tayakone le Thuma karlak ah Tuzaan september 8, 2021, zaan suimilam 8:40 hrawngah Min Aung Hlaing Ralhrang le PDF kahdohnak a chuak. Kap hnih lei in a thimi le hliamhma a tuar mi an um le um lo theih a si rih lo.Kalay lairawn

Relchap:Nihin ah Kalay PDF nih an thiri le an cawlcanghnak cheukhat cu mipi hmuh ah an van pho lang cang. Mipi caah hmai a nawr mi cheukhat an hmanthlak he an van i tar. Nai hrawnghrang ah kalay hawng kahnak a um peng i ralhrang tampi an thah cang hna.

Gangaw in Kalay lei a panh mi ralhrang a kham tu le motor hna bomb in a thua tu an si. Kalaymyo area chungah mipi ca i nunnak thap in ralhrang a do ngamtu an si. Kalay cu lai meithal an rak hman lio hmanh ah ralhrang phu khuachung bak ah a doh ngamtu le a dir onh ngamtu an si. Mipi caah kalay PDF tampi an nunnak a rak liam cang.