Kalymyo thlanglei တင္သား..ေက်ာက္ဖူး..ဒူးႏြယ္..အေ႐ွ႕စည္း khua te nihin zaanlei suimilam 6:00PM hrawngah khan Mipi caah ral a tumi PDF le Ralhrang kahnak a cuak tiah Kalaymyo PDF nih thawng an thanh. Mipi caah ral a tu mi PDF nih teinak hmu hram hna seh!..kalay myo lairawn mino news group..kalay myo lairawn mino news group..
Relchap: Afghanistan, Herat province chungah a um mi cozah le private sianghleirun i nu le pa hmunkhat ah sianginn kai ti nak co-education) vialte cu ngol dih dingin Taliban pawl nih nawl an chuah.
Hi hi Taliban pawl nih Kabul khuapi an lak hnu, nawlngeihnak an lak hnuah order an chuak hmasa bik mi a si. Afghanistan nitlak lei Herat province i cozah le private sianghleirun ah nu hna nih pa he i tluktlan in ca an cawng kho ti lai lo.
Hi kong he pehtlaih in sianghleirun cachimtu hna le sianginn ngeitu hna meeting an tuah nain, co-education kalpi rih dingin timhtuahnak nih zeihmanh sullam a ngei ti lo tiah Afghanistan Khaama Press nih a ti.
Meeting ah Taliban aiawh in a tel ve mi Afghanistan palai le higher education lutlai Mullah Farid nih co-education cu kan mibu ah buainak a hrampi a si caah pehzulh dingin thim ding lam pakhat hmanh a um ti lo, a dongh cang tiah a ti.
Taliban chimnak nawlngeitu Zabihullah Mujahid nih ‘Nu hna cu Taliban nih Islam zulhphung (Sharia) ningin tha tein an zulh ding a si’ tiah a voi 1 nak press conference a ngeihnak ah a chim.
Mah biachahnak nih cozah sianghleirun le institution hna ahcun nu le pa a dangin kai khawh a si nain nu siangngakchia tlawmnak private institution tampi harsatnak a tong te lai tiah fimcawnnak lei mithiam pawl hna nih an chim.
Herat province chungah hin cozah le private sianghleirun, institution ah siangngakchia 40,000 le cachimtu 2,000 hrawng an um lai tiah ruah a si tiah Hindustan times nih a tial.
Ref; Hindustan times..
Leave a Reply