Kalaymyo, Mitthar (မြစ်သာမြစ်) Tiva nichuah lei hrawng ah Kalay-PDF le Ralhrang karlak kahnak a chuak i ralkap lei nih pawngkam khua inn an khangh piak hna tiah theih asi.
Nihin zingram deuh ah khan ralkap tam taktak cu hriamnam tam taktak he Kalaymyo le a pawngkam khua pawl ah an rak ra hna i အင်းကျွန်း khua zong ah Meithal an puah, hriamnam ngan in khua mi khausaknak inn an kah chih len ti asi.
Cu hnu ah ralkap pawl cu Yeshin khuate ရေရှင် lei ah an rak ra tthan i zinglei suimilam 9:00AM hrawng ah khan lampi ah Kalay PDF nih an hun kah hna hi asi.
Zing suimilam 9:00am hrawng in kahnak aa thok i zaanlei suimilam 7:00PM tiang zong ah an i kaap len rih. Cu ralkap pawl nih ရေရှင် khua inn pawl mei in an khangh, an duah i minung a zaam mi inn paoh an luh hnawh i an hrawh, mei in an khangh piak hna ti asi.
Nihin kahnak ah ralkap lei a thi mi an tam kho, a si nain zeizat sat an thi timi a fiang rih lo. Cun Kalay-PDF lei in minung pahnih hliam an tuar ve nain thinpang awk a um lo ti a si.
Ralkap lei hi minung thazaang tam taktak, hriamnam pical tam taktak he an si. Cun a tu zong ah an thzaang an chap chih len rih caah kahnak a zual chinchin kho. Mizeihmanh Kalay-Gangaw karlak khual tlawn lo ding in Kalay PDF nih ralrin peknak cathanh zong an chuah.
Leave a Reply