Tutan US Cawlcangh Cu China Nih A Celh In Celh Dawh A Si Lo!

Kawlram chungah mah bantuk in buainak fakpi a chuak lio ah UN ah China nih vote hmangin zeihman biachanak tuah khawh lo in a nawlngeinak a hmang lengmang ti cu kan thei dih cang ko. Atu cu Kawlram kong si lo in, China le US cu Taiwan buainak kongah China duh lo bik mi biafang cu US secretary nih a hmang cang. Mah biafang hi China a celh in an celh lomi biafang a si.

Trump Administration lio ah Taiwan kongah US nih China cungah a tuah ning bantuk in Joe Biden Admin nih a tuahmi zei hmanh a um rih lo. Asinain biafang pakhat an hmang mi cu China caah cohlan khawh ding a si fawn lo. United States Secretary of the state, Antony Blinken nih Taiwan cu “Country” ram tiin a kawh cang. Taiwan hi China nih country/ram a si lo, China ram chungah a um mi state pakhat bantuk a si tiin a chim lengmang mi a si.

House Foreign Affairs Committee hearing ah Biden administration’s foreign policy agenda ah Blinken nih California Republican Representative Young Kim bia halnak a leh mi ah “I share your view that Taiwan is a strong democracy, a very strong technological power, and a country that can contribute to the world, not just to its own people. COVID is a very good example of that,” tiin China duh lo tuk mi biafang hmangin Taiwan a thangthat ning kong a chim chap.

The State Department nih ca tial lo mi policy a ngei i, Beijing’s so-called “One China Policy”, upat ngai tawn, natein a tu cu thil zei poah a thleng dih cang, atu cu ahlan bantuk in a upat ning bantuk in a upat ti lo, Beijing nih Taiwan 24 millions mipi umnak hi kan ta a si, kan ngawlngeinak chungah um mi an si tiin a chim peng, natein atu cu US nih a cohlan piak duh ti lo i, Taiwan cu ram pakhat a si bantuk in a chim cang. Credit-Rtk/The Chin News