Tutan thawng kan theih mi cu ttih nung ngai a si cang.

(Tha tein a dongh tiang rak kan rel piak) Tutan thawng kan theih mi cu ttih nung ngai a si cang. A tu lio Coronavirus kong he pehtlai in Kan nih kawlram hi coronavirus zawtnak a ngei mi kan um bak rih lo tiah hnangam in kan um lio ah hna ngam kho kan si ti lo. Mandalay ahcun a zawmi an um i, a thimi zong an um tiah thawng kan theih. Asinain Coronavirus zawtnak ruang ah a thi mi an si maw ti tu fiang tein theih a si lo. I ralrin taktak tu kan herh. Corona Virus ruang i a thimi an si sual ahcun ttih nung taktak ding khi asi. Hi kong he peh tlai in Salai Lungthlitum nih mah ti hin a chim.

Salai Lungthlitum nih mah ti hin a chim, “Ram kip hitluk zawtnak a karh i minung an thih cuahmah lio ah Myanmar ram chung coronavirus zawtnak pakhat hmanh an hmuh rih lomi cu phundang ngai a si, lunglawmh awk ngai zong a si fawn.” tiah a chim. Salai Lungthlitum nih hi bia hi a chim tik ah comment tu pakhat nih mah ti hin comment a pek ve “Benjamin Khamh Bawi-Mandalay ahcun a zaw mi an um i a thimi zong an um ko. Cozah nih mualpho an duh lo caah an thuh peng ko hih…! Fak piin ralrin kan herh; tihnung ngai ngai a si ko.” tiah a chim.

A cheu nihcun kawlram cu China he ramri kan si caah pakhat tal cu kawlram ah coronavirus zawtnak a ngei mi an um hrim hrim lai tiah an zumh. A cheu nih check nak kan neih that lo ruang ah kan i thei kho loh i silai tiah an chim ve fawn. A cheu tu nihcun Pathian nih aa kan dawt ruang ah a si ko e tiah a chim mi an um ve fawn.

A cunglei kan van chim bantuk in Kawlram ah a tu dirhmun ahcun Coronavirus zawtnak a ngei mi pakhat hmanh um lo bantuk khi asi. Asinain comment tu pakhat nih a chim mi hi ruah awk ngaingai a van um. Mah cucu zeidah si kan ti ahcun “Mandalay ahcun a zaw mi an um i a thimi zong an um ko. Cozah nih mualpho an duh lo caah an thuh peng ko hih…! Fak piin ralrin kan herh; tihnung ngai ngai a si ko.” tiah a chim. Hi a zaw mi pawl hi Coronavirus Zawtnak a ngei mi an si maw timi fiang tein theih a si lo caah i ralring te i kan um cio kha a bia pi bik. Hnangam in um kho kan si ti lo. Rak i ralring cio u.

 503 total views,  1 views today

This function has been disabled for Chin 11 News.