Tutan Myanmar Idol zuamnak ah a tla cang ko nian, a tonmi thil hi Winner laksawng nak in a ngan deuh

Hlasak thiam tungtai rem Htet Inzali cu kan theih dih cia bang Myanmar Idol season 4 Top 7 in a tla cangmi kha si. Tutan Myanmar Idol zuamnak ah a tla cang ko nian, a tonmi thil hi Winner laksawng nak in a ngan deuhmi le a nunnak caah a biapi deuhmi laksawng sunglawi taktak a co diam aai!

Cu laksawng ko cu zeidah a si hnga tiah cun Htet Inzali cu a ngakchia lio tein hringtu a pa he aa thenmi an si. Ka pa hi khuazei ah dah a um ti hmanh a thei lo. Caan sau pi cu hringtu a pa zun ngaiin a hream tawn. “Kapa hmuh ka duh tuk ah hin ka phone zong ah ka pa tiah ka save hramhram I, phone hna ka call hramhram tawn tiah a chim. Ka nunnak ah hringtu ka pa ka hmuh lomi le a umnak ka theih lomi nih faktuk in ka nunak ah ka tuar tawn” tiah tonnak an tuahnak ah a chim.

A sinain tutan Myanmar Idol aa zuamnak thawngin hringtu a pa a ton khawh cang! Myanmar Idol top finalist an I zuamnak ah a pa  nih a rak ton I, zuamnak hmun in a rak chuah bak ah hringtu a pa nih cu a kafnu tiah a vun khawh I, lawmhnak mitthli a lung ko hme cu!

Myanmar Idol ka zuamnak thawngin ka nunak ah a sunglawi bikmi hringtu ka pa ka ton khawh caah ka caah Myanmar Idol hi a sunglawi in sullam a ngei tuk hringhran ee tiah a chim hi a si. Tutan Top 7 ah a tla ko nain a mit hmai a panh kho tuk. A ruang bik cu Winner laksawng nakin a ngen deuhmi hringtu a pa he an I ton khawh caah a si. A caah cun Myanmar Idol hi a sunglawi  taktak ko, A ngakchia tein hmuh le ton a duhbikmi hringtu a pa cu Myanmar Idol aa zuamnak thawngin a ton khawh cang! Lawmh pi cio ding bak si ko.

 

 

 200 total views,  1 views today

This function has been disabled for Chin 11 News.