Tutan Kawlram Buainak Kongah Lai Nusal Pi Ngun Hlei Iang Thiltuah Cu Khuaruahhar Bak Si!

Yangon lamzawhtu hna dinti/eidin cawkpiaknak ca ah Malaysia um Nu Ngun Hlei Iang te chungkhar nih ka sin ah 100,000 MMK a rak kuat.

Thaizing ah Rev. Uk Ling Thang le mino pali-nga he Hledan le Sule ah dinti kan phawt hna lai. Ralkap uknak dohdalnak ah alangtlang in Kawlram mipi ca ah chawva a hlutu Nu Ngun Hlei Iang te chungkhar cung ah kan i lawm hringhran.

Thaizing Hledan le Sule ah a phanmi Lai mino nih dinti phawt bawmh na kan duh ve ahcun ka messanger in pehtlaih khawh ka si i, phone number zong chiah ta u law Sule le Hledan kan phak in kan in chawnh hna lai.

Lai Nusal Tha Pi Ngun Hlei Iang Kong, Salai C Alexander Nih fiang taktak in a van langhter:– Lai Nusal Ṭha Pi Ngun Hlei Iang A si khawh tawkin Lai miphun le Lairam caah a kut a samh zungzaltu cu Pi Ngun Hlei Iang a si.

Tutan zong ah Yangon lei i ralkap uknak dohtu mipi a hmuh lengmang hna tikah, a thil ti khawhnak tlawmte in ipekchanhnak a tuah. “Action speaks much louder than words” ti si cuh.

Anih hi a miphun a daw bakmi miphun party a dirkamh zungzaltu nufim a si. Malaysia ah a um rih. Kawlram ralkap uknak doh dingah a ti khawhnak in kutsamh chap kho dingin a cawlcang cuahmah rih. Fighting Pi Ngun!