Tutan ah Chinralkap nih an tuah mi cu Vuleicung tuanbia ah a um bello mi a si lai dah! Khuaruah har a si mi cu kum 70 a fek thuk cang mi ralhrang ral a tu mi hna hi tunai te a dotu chinral ka nih an motor le an thilri an hriamnam vialte Drne in an thuat dih hna i minung 100 leng an thah hna pinah Minung 50 hrawng hliam an tuar chih. A nung dam mi ralhrang hi 40-50 karlak hrawng lawng an si tiah a hmun ah a um mi bak nih a chim.
Kawlram tuanbia zoh hna usih law hi bantuk hi pakhat hmanh mun ding a um lo. An i kap i lampi ah bomb an puah hnawh hna i minung tampi an thi ti cu kan theih nain, Ralhrang raltuk thiamthiam motor 30 i ,kal i pakhat hmanh him loin an ven khawh lomi, cu lawng si loin anma hmanh hitluk tam an thih hi khuaruah har taktak a si.
US ralkap le Ukrain ralkap hmanh nih tutan kan chin ralkap nih an tuah mi thil hi an tuah kho ka zum lo. Ukrain Nih Russia Ralkap Drone i an phomh hna bantuk bak in an phomh hna. Kawlram chung kum 70 ralkap a do cang mi nih a ho hmanh nih an tuah kho lomi cu tutan ah Chin ralkap nih an tuah ko hi cu lung a hmui taktak. Kan chin mipi le kan chin ralkap Pathian nih in veng hram ko hna law… Kan tei hrimhrim lai SAC ralhrang uknak hi kan tei hlan lo kan doh hna…. Mipi nan lei ah kan ttag peng ko Kaalawm.. Crd.. Pa Biak Kl
Relchap>>>>>Bago ramṭhen, Paungdi peng, Tha-khut-sok (သခွတ်စောက်) khua ah ummi khuabawi ṭuan Pyusawhti ralhrang hruaitu Tun Tun Oo cu a inn ah meithal kah a ton caah a thi, tiah Paungdi PDF nih an langhter.
April ni 15, zing suimilam 10:00 tluk ah Paungdi (ပေါင်းတည်) peng, Tha-khut-sok khua ah ummi SAC ralhrang kuttang khuabawi ṭuan, Pyusawhti ralhrang hruaitu zong simi Tun Tun Oo cu a inn ah Paungdi peng mipi ralkap (PPDF-3601) Battalion Ṭetkhuai (5) nih meithal in a lu ah voi khat, a takpum ah voi khat tiin (voi 2) tiang an kah caah hmakhat te ah a thi colh, tiah theih a si.
“Khuabawi Tun Tun Oo cu Pyusawhti ralhrang hruaitu a si pin ah Paungdi peng chung mino cheukhat hna cu Pyusawhti ralhrang training kai ding in a forhfial hna pin ah a kai dingmi pawl a thlah tu hna zong a si” tiah PDF thawngthanhnak in ṭuanvo ngeitu pakhat nih a chim.
Khit thit Media, Crd… Lungmali Post
Leave a Reply