Tutan Hakha Inn Man Cu Vawlei Cung Inn Man Fak Pawl He Tahchuh An Si Cang!

Tutan The Hakha Times nih an FB page ah Inn Kan Zuar Tiah An tarmi cu mirum lo nih cun cawk khawh ding phun a si ti lo. Cun a fawinak in kan chim ahcun Hakha cu Mirum khua, Mirum umnak tiah khawh a hau cang lai!

Hakha Inn hmun le Inn an zuarmi tete hi online in kan rak hmuh pah cio tikah ruah a hau ngaingai. Atu ning cu Hakha cu mirum lo cu um khawh dawh a si ti lo. Hi kong hi a taktak ti lo ahcun Chin a cozah nih biatak tein tuanvo a lak ding a si.

Tahchunnak ah Inn hmun thar a samh tikah man tlawm tein inn hmun samh seh law, Hmun dang inn hmun zong a tla chih dih lai! Atu ning cun Hakha pen a duhmi zong nih an pem ngam lai lo. Hihi biatak tein Cozah nih a ruah a herh tiah ka rauh!

A tlanglei ah Pu Lian Ding Hmung Nih A tialmi van relchih hmanh! A dik kho tuk eh! Hakha ah sing thong hnih in an zuar, ti a si. Vawleicung inn man a fah biknak khua ah Hakha hi aa tel ve hrimhrim lai. Economist mekazin te hna le vawleicung inn man a fah biknak khualipi pawl kong a hlathlaimi pawl nih an hei theih lo caah a si. Hakha ah zeitindah hitluk lawmmam hin phaisa hi a tam hnga?? Ram dang in kuatmi phaisa, tender a ngahmi boss pawl phaisa le tender lawmmam a hmumi pawl phaisa hi a rak tam tuk lawmmam cang ko rua.