Matupi Chinland Defense Force (CDF-Matupi) nih cathanh an chuah mi cu pasaltha taktak an sinak fiang tuk in a lang, uar an um tuk hringhran.
CDF-Matupi cu March 5, 2021 ah rak dirh cang mi a si, nain a karlak ah zei dangdang ruang ah cawlcanghnak a lang kho lo, cu caah July 16, 2021 ah felfai tein cawlcanghnak thar an hun thok tthan i a taang lei bantuk in cathanh zong an hun chuah hi asi. An cathanh chuah mi :-
No (1). Ralkap nih February 1, 2021 ah rampi uknak cu hramhram in a lak, cu hnu ah sualnak ngei lo ram mipi tamtuk cung ah thah nawnnak, thisen luannak, tlaih khihnak, thongthlak nak phunphun a tuah. Cu bantuk in ralkap tuksapur cawlcanghnak ruang ah Myanmar ram chung hmunkip ah mipi rungvengtu phu dirh cio in ralkap cu a lamkip cio in doh a si ve cang.
(2). Cu caah Matupi peng chung ah a um mi, Cing, Doem hmunram khuasa mipi siseh, Dai miphun hna nih Chinland Defense Force (CDF)cu March 5, 2021 ah kan rak dirh i hramhram ralkap uknak doh ding in thawngthanh nak zong kan rak tuah cang.
(3). CDF-Matupi cu, hramhram ralkap uknak a tlak khawhnak ding le hrawh dih ding, rampi uknakcu ram mipi kut a phak khawhnak ding ah le, Kawl ram ah mipi nawlngeihnak aum khawh nak ding (Civillian Supermacy), Mah tein khuakhan Lairel nak le tluk ruannak, Federal uknak phung a chuah khawhnak ding ah raldoh ding in dirh mi asi.
(4). CDF-Matupi cu Chin Miphun dihlak kan ralkap a simi CNF/A le Chin ramkulh chung ah mipi rungvengtu phu a simi CDF hna he hmunkhat te ah raldoh ding in biachahnak kan tuah.
(5). CDF-Matupi cu, Matupi khuapi chung ah a um mi CNF/A rianttuan tu hna he tha tein biaruahnak kan ngeih hnu ah, CDF-Matupi cu July 16, 2021 ah tharchuah nak tuah a si cang. Cu caah Matupi ram, Matupi pengkulh chung ahcun CDF le CNF/A lawng cawlcanghnak nawl a ngei cang. CNF/A le CDF a si lomi, hriamtlai dang paoh cu Matupi peng chung ah um a ngah ti lo. Matupi peng chung ah an cawlcangh ahcun kan kah cang hna lai.
A cunglei cabia hna hi CDF-Matupi nih cathanh an chuah mi asi. An cathanh chuah cu uar a um taktak. CNF/A le Chin ram khuadang ah a um mi CDF dihlak he i bawm in ral kan doh cang lai tiah an langhter cang. Ref: Laikokek
Leave a Reply