Nihin August 30 ah Yangon khuapi ah sandahpiahnak an tuah i မဂၤလာေတာင္ၫြန္႔ myo ah ေထြအုပ္ zung riantuan mi palek nih sadahpiah pawl cu kuva cawk an kal pah ah an hmun hna i CDM ah an lut colh tiah theih a si.
Mah palek pawl hi timh ciammam in CDM ah a lut mi an si lo, An i chawh pah i kuva cawk nak pawngah sandahpiah mi an hmuh hna i, cu ticun mipi lei ah an luh hi a si. fimkhur kan herh ngaingai hna tiah an chim chap. …Crd… sawisung
Relchap: Nizan August 29 zaanlei ah Thailand, Phuping palek nih Chiangmai, Suthep ah a ummi Wat Pan Sao phungki inn pakhat ah a bu in zu a dingmi phungki pawl an tlaih tiah Chiangmai news nih a tial.
Phungki hna hi Wat Pan Sao phungki inn uktu hna nih a hao hna i, zuu hi a dinpi hna mi a si. Zu a ding mi phungki hna hi 6 an si i, civil mi 1 zong a tel ve.
Mah phungki hna hi phungki si nak le phungning lo in khua an sak ruangah phungki cheukhat nih palek sinah an report hna caah an tlaih mi hna a si.
Phungki innchung kan va luh ah voksa le a meh phunphun, zu le beer he zu an rak din lio a si i, kan khuaruah zong a har ngai.Phungki uktu zong nih keimah nih ka dinpi hna mi a si tiah a phuan ti’n Phuping palek bawi nih a chim.
An dihlak in tuzing August 30 suimilam 8 ah palek sakhan ah biahal dingin an auh hna.Atu hi rikhiah mi lengin zu an din, an rit ruang le covid-19 zulhphung buar in a bu in an eidin ruangah tazacuai an si tiah Chiangmai News nih a tial.TCP
Leave a Reply