Tuluk Ram Cu A Voihnih Nak Covid-19 Rungrul Nih A Phak Than Cang Hna

Covid-19 pulrau ai thawhkeh nak hmun a si mi Tuluk (China) ram cu Covid-19 a dih cang tiah cozah nih lockdown zong an tuah piak ti hna lo i zalong tein tlonlen nak nawl an pek cang ko hna nain siibawi te nih mizaw an karh ning hi a rang tuk hringhran tiah thawngthanh nak an tuah. Nifatin in Covid-19 positive pawl hi an um lengmang i a tu cu mizaw positive bak mi hi minung 108 an si cang caah siibawi vialte cu lungrethei in an um ko hna.

Hi tluk in zawtnak rungrul a ngei than mi an tam hi zarh 5 chung ah positive an tamcem mi zong a si i minung 98 hi Tuluk (China) lockdown a dih hnuah ramdang in China ah a rak tlung mi hna an si, cun zawtnak rungrul an hmuh mi hna chungin 90% hi cu lockdown a dih hnuin mipi sin tlawnlen nak ah zawtnak rungrul nih a phak mi hna an si.

Nihin tiang ah China cozah nih official tein thawngthanh nak an tuah mi ah cun Covid-19 nih a phak mi hna hi minung 83,307 an si hna i a thi mi 3345 an si, cun a damthan mi hna hi minung 78,185 an si tiah thawngthanh nak an tuah ning a si. A voihnih nak Covid-19 nih China ram aphak than ti mi kong hi cu China cozah le nawlngeitu sinah cun thawngthanh nak an tuah ngam bak lo mi a si i hi thawngpang ruang ah siibawi dang hna bantuk in dantat nak le thihlo nak kan phan sual lai tiah thinphang in an um.

Asinain siibawi thiamsang pawl hna cu avoihnih nak pulrai nih minung nunnak zeizat dah alak than lai ti mi an ruah tikah lungrethei le thinphang in an um ko hna.

Ref: Mizzima

 142 total views,  1 views today

This function has been disabled for Chin 11 News.