Tuluk In A Rak Tlung Mi Minung Pahnih Cu Thantlang Siizung Ah An Chiah Ko Hna

Chin ramkulh Thantlang khuapi chung ah tuluk in a rak tlung mi minung pahnih cu August 24 in siizung ah khumh erh an si tiah thawng theih a si. Hi khumh erh mi pahnih hna hi Tuluk (China) ram in a rak kir mi an si I Thing Hual khuami pa pakhat le Thanthlang khuami pa pakhat an si tiah thawng theih a si.

Hi khum erh mi hna hi ni 21 chung khumh erh an si lai I nifatin tein an ngandam nak check lengmang an si lai. Cun ni 21 chung ah zawtnak rungrul an ngei lo tiah fehter an si ah cun an umnak khua le chungkhar sinah kal nak nawl pek an si lai tiah thawngtheih a si. Hihin tiang ah cun hi khumh erh mi pahnih hna hi an ngandam nak a tha tiah an langhter.

Cun Thantlang khua luhnak Lai Pawng Lung ah khual a tlung/kal mi paoh cu an umkal nak le an tlun kal nak hmun felfai tein hal le dothlat nak an tuah hna hnuah lanh ter lengmang zong an si. Cun Chin ramkulh Covid-19 runven nak phu zong nih khua luhnak hau-ka kip ah felfai tein check hlai nak tuah ding in le rengh deuh ding zong ah biachah nak an tuah cang tiah thawngtheih a si.

Khuachung ah dawr a tuah mi vialte hna zong nih Covid-19 runven nak phu nih an chiah mi zulhphung hna zong an zulh cio a herh  tiah zong Pu Lian Luai nih August 24 I meeting an tuah nak ah fak ngai in ralrin nak kong a chim ve.

Source: DVC TV News

 81 total views,  1 views today

This function has been disabled for Chin 11 News.