Tulio Thawngpang Theih Herh Taktak Mi Pawl! Kawlram Minthang Zong Nih Dr. Sasa Cungah Ruahchannak An Ngei!

Sa Sa nih a laan deuh hna..Chin ramkhel le dothlennak lei minthang deuh pawl cu Sa Sa nih a von laan dih ko cang hna. Kawl mipi lakah zeitluk in Sa Sa cungah ruahchannak an ngeih ti hmuh khawh a si. Khua kipah Sa Sa dirpinak le cohlannak an tuah. Kawlram hlasa minthang tehna zong nih Sa Sa cung i hnabeiseinak le ruahchannak an ngeihnak an langhter.

Sa Sa pu cu Hakha khuahlun Zathang phun a si. A min tak Tial Sang a si. A min tak ichim a duh tuk lo nain, ka si lo aa ti lo. Sa Sa nih zeitluk tiang dah Kawlram caah a au khawh hnga. Chim khawh si lo. Pathian nih hman a duh ahcun, teinak a hmuh khawh ko. Sinain, Sasa nih zei kong dah a chim te hnga. Nuhrin covo buarnak kong hei ti hrawnghrang lawng hna a chim ahcun, zei huaha khi si lo.

Cun, Sasa nih UN meeting a luh khawhnak ding channel phun khi theih hau fawn hnga. Ruahning nakin chance ngei kho sehlaw tah? UN lei lam in Kawlram ca action lak ding an timi pawl khi rammi, mipi zaran caah cun santlaihnak cu a um tuk bal lo. Ralkap caah uknak cabuai in an tlaknak a chuahpi fawn lo. Ralkap uknak cihmih ding i, UN troop ngai Kawlram luhpi khawh dingah cun, UNSC hnathlaknak lak a hau. UNSC cu VETO power ngei ram pakhat nih mi tam-u duhnak a hnol khawh.

Sinain, UN Troop luhpi ding tiang a si kho lai lo ti khawh si lo. A si kho ko. Cu tiang tuah khawhnak ding bel a kum in a rau. Kawl ralkap nih an rak sualnak vialte, Rohingya Muslim cihmih dih a rak timhnak vialte fonh tikah UN Troop nih luh hnawh phu an si. China le Russia bantuk phun khi Sasa nih phomh hna sehlaw a lung a lak khawhmi hna si ko. Pathian ibochannak he cun. Cu vialte process pah khawhnak dingah a kum in a rau.

Cun, UN channel loin channel dang in, lam hnih in US nih Kawlram a luh khawhnak lam um fawn. US lei aw-an (Indy Chinmi aiawh pa) ngaih tikah, US lei channel in cun hawikom irawih khawh ah cun ti phun in a bia sullam ka lakpiak. Cucu, Multilateral Intervention tiah an ti. (Hi kong cu a chim lo nain) Ruah herhmi Sa Sa belte hi CRPH minung a si. Annih dirhpimi cu ralkap uknak chuhmi kha NLD sinah kan appiak ṭhan uh, ti si.

CRPH siloah NLD sinah uknak chanh ṭhan ding timi lam khi Pu Tawi hruaimi SAC nihcun zeitihmanh in a cohlang lai lo. Mah cucu a fiang. Kam khatlei ah ralkap lei nih NLD thil sual tuahmi an ikhawmh seek cang tiah an ti. Thimfung diklo an tuah ning kong tehna, Daw Khin Kyi Foundation sinah ramdang phaisa a luh ning tehna tbk le adangdang in NLD cu hrawh an timh ve hna.

Caan karlak i Pi Suu le Pu Tawi nih hnatlaknak an lak khawh bel ahcun, Kawlram uknak cu NLD le ralkap ihrawm in uk ṭhan ding phun khi si hnga. NLD nih 2008 Phunghram zong kan hrawh lai. Kawlram cu rampi pakhat ah a rak funtu Tlangmi vialte hna komh in Federal Democratic United ram ah kan ser cang lai ti hna sehlaw cu… Ralkap uknak dohnak Kawlram Spring Revolution nih teinak a hmuh khawh hrimhrim lai dah. ***Niping lihbia hamhmi kan tam pah caah, thil biatak deuh theih khawhnak ka von thai duakmi si. Credit: Salai C Alexander