Tulio Hrawng Donald Trump Dirhmun Le Sining Cu Zaangfak Ngai A Si, Biden Kong A Chim Mi Zong Hi Ningzak A Si Cang

๐๐ข๐๐ž๐ง ๐ง๐ข๐ก ๐๐ฎ๐š๐ง ๐š ๐‚๐จ ๐š๐ก ๐œ๐ฎ๐ง ๐’๐ญ๐จ๐œ๐ค ๐Œ๐š๐ซ๐คet ๐š๐ข ๐‡๐ซ๐š๐ฐ๐ค ๐ƒ๐ข๐ก ๐ฅ๐š๐ข, ๐ญ๐ข๐š๐ก ๐“๐ซ๐ฎ๐ฆ๐ฉ ๐ง๐ข๐ก ๐š ๐œ๐ก๐ข๐ฆ. ๐Ÿ๐Ÿ—๐Ÿ–๐Ÿ• ๐ก๐ง๐ฎ ๐ข๐ง ๐“๐ฎ ๐“๐ก๐ฅ๐š ๐ก๐ข ๐ญ๐ก๐ž ๐ƒ๐จ๐ฐ ๐œ๐š๐š๐ก ๐š ๐“๐ก๐š๐›๐ข๐ค ๐“๐ก๐ฅ๐š ๐š ๐ฌ๐ข

Nan ka thim than lo a si citcet ah cun kan stock market hi ai rawk dih lai, tiah Trump nih a tu le tu American mipi ralrin a pek hna. A taktak ah cun, a tu i thil umtuning hi a let ta lem lam.

โ€œBiden thim a si ah cun markets pawl an i rawk dih lai,โ€ tiin August le October kar lawng hmanh ah khan voi 6 khengte Trump twitter in a thlah. Cu bantuk biachim cu cuhlan president pawl nih chim an i sum zungzal mi bia asi.

โ€œThe Dow Jones Industrial hi 29,000 lenglo tiang in a hlawh a tling! Nan President ka si mi hi cu nan van a va tha ve awโ€ฆ Joe Biden chan ah cun siseh law ai rawk dih hnga,: tiin Sep. 2 ah khan Trump nih twitter a thlah.

Zanmangchia muisam a kengmi Election buaibainak ruangah markets pawl an thathawhnak a zor ngai cang ko nain, Pfizer le Moderna nih vaccine serchuah khawhnak lam an hmuhchuahmi thawngpang nih investors pawl tampi an tha a thawhter than cang hna.

S&P 500 le bang cu 1932 hnu in a thabikmi election week a tinco khawh cang. Monday i faak ngaiin a tlak ko bu zongah November thla chungah the Dow hi 12% tiang a kai. Cucu 1987 January hnu in a caah a thabikmi thla (month) a si. The S&P 500 le Nasdaq zong April hnu in tu thla hi an caah a thabikmi thla a si.

โ€œBiden hi market caah a tha lo, tiin thawngpang kan theihmi le nihin hi kan hmuhmi hi ai ralkah ngaingai,โ€ tiah Hedgeye Rish Management ah research director Daryl Jones nih a chim.

๐–๐š๐ฅ๐ฅ ๐’๐ญ๐ซ๐ž๐ž๐ญ ๐ง๐ข๐ก ๐“๐ซ๐ฎ๐ฆ๐ฉ ๐š๐ง ๐œ๐ก๐ฎ๐š๐ก๐ญ๐š๐š๐ค ๐œ๐ก๐ข๐ง๐œ๐ก๐ข๐ง ๐œ๐š๐ง๐ 

Trump nih tax cuts a tuahmi le sikaan a dorhmi ruangah markets pawl tampi a thathnem hna, ti cu lunghrim awk um lo a si. Asinain, China he trade war a thok mi le tax lak a tlaihchan tuk mi nih hin stocks pawl a chiatchuah bak ve hna.

Markets pawl a hnursuangtu ding a hleichuat policy pakhat hmanh kai hman lai lo, tiah Biden nih a chim. A economic team cu Monday ah khan theihternak a tuah cang i, investors nih an uar ngai mi former Federal Reserve chair Janet Yellen nih a economic team cu bia a ruah hna.

Kan business le economic dirhmun in conh a si ah cun, Biden hi ai ningcang deuh ngai te lai, ti a lang, tiah Jones nih a chim.

November chung i Wall Street ah thanchonnak nehnak a ummi nih hin hmailei kongkau i khuadawm bangmi a khamtu thilritpi hi tutan election nih a thumh cang, ti a langhter. Election hlan ah khan cun, constitutional crisis kongah le nawlngeihnak i apnak kongah lungretheihnak faakpi a um. Trump nih a sungh ruang i tazacuainak a tuahmi pawl pakhat hnu pakhat hnonpiak an vun ton hnu belte in khan cun, investors pawl an lu an vun mang lulh ve cang.

โ€œKan phanmi cu election ah an i tlukte sual lai, ti hi a si. A taktak ah, an i tluktuk. Asinain, election results a khupthal leh than khawhnak dingah Trump nih lam bi te lawng ai ngeih, ti hi pom cio a si ko cangโ€ tiah Invesco ah chief global market strategist Kristina Hooper nih a chim.

๐——๐—ถ๐—ฟ๐—ต๐—บ๐˜‚๐—ป ๐˜๐—ต๐—ฎ ๐—ป๐—ถ๐—ต ๐˜๐—ฒ๐—ถ๐—ป๐—ฎ๐—ธ ๐˜๐—น๐—ถ๐—ป๐—ด ๐˜‚๐—บ ๐—ธ๐—ต๐—ผ ๐—น๐—ผ ๐—ฑ๐—ถ๐—ป๐—ด๐—ถ๐—ป ๐—ฎ ๐—ธ๐—ต๐—ฎ๐—บ

Wall Street nih an hmuh ve ningah, Democrats lei nih an i ruahchan bantuk taitai in cun tutan election nih teinak a phakpi kho hna lo, ti a si.

Senate uk khawhnak dingah cun Georgia i a lawng chom dingmi senators hmunhma 2 hi Democrats nih an i uk khawh a hau i, Vice-president-elect Kamala Harris 50/50 in dirhmun ai ngeihmi hi an hrawhpiak khawh a hau.

Senate uk kho dingin Republican pawl biatak tein an cawlcang ve, tiah online prediction market a si mi Predictlt nih a chim.

2021 tiang zong i ai thenhmalmi cozah ah hin investors pawl caah thawchuak ngai a si dingmi corporate le pumpak tax Biden nih a karhter kho te lai lo. Cun, Democrats pawl nih duh ningin climate change kongkau i phung an sermi zong an lanhter kho fawn lai lo.

๐†๐š๐ฆ๐ž ๐š ๐ญ๐ก๐ฅ๐ž๐ง๐ ๐ญ๐ฎ ๐•๐š๐œ๐œ๐ข๐ง๐ž๐ฌ ๐ก๐ข ๐Œ๐š๐ซ๐ค๐ž๐ญ๐ฌ ๐ฉ๐š๐ฐ๐ฅ ๐ง๐ข๐ก ๐š๐ง ๐ข ๐ก๐ฆ๐š๐ข๐ญ๐ก๐ฅ๐š๐ค

Main Street ah zatlaknak a karh lio ah Wall Street ah cun khuang an cawi. Fall khuati a phaak le cangka pulrai nih teirulcham pungsan in ai laak ve i, mizaw le sizung a phanmi an karh chinchin cang. Lockdown le sikaan an chap, federal bomhnak nih cun le donghcah lei a panh.

Chungkhar nih an i ngeimi dawr hme tete (mom-and-pop shops), baisikup zung, hotels, airlines le tirawl dawr ko hi an ngan a faak khun. Zarh khat hnu zarh khat in rianlo dirhmun a karh chinchin, November in cun cozah rian khanhnak thazang a derthawm chinchin cang, tiah Friday ah khan cozah nih thawng an thanh.

Karh lei a panh mi pulrai lonh in khamnaksii an sermi lawng investors pawl nih an i hmaithlak cang hna.

โ€œVaccine hi game changer taktak cu a si. Stock market pawl nih hin nihin a tonmi harsatnak cungah si lo in, a thadeuhmi hmailei ruahchannak tu hi an i hmaithlaak cang,โ€ tiah Hooper nih a chim.

Covid in a zualhma taktakmi thlopnak dingah kan sermmi vaccine hi 100% tiang hmual kan ngeihter khawh cang, tiah Moderna nih Monday ah khan thawngthanhnak a tuah cang. Kan hnung thla hnih thum ah khan cun hman awk tlak vaccine hi an ser taktak kho te hnga maw hi, tiin lungre lawng a rak thei.

A tu ah cun, 2021 chungah khin Covid nih faktukin a denmi khualtlawn lamlitnak rian telhchih in, a dang economy vialte an i letthal dih than cang lai, tiah ruahchannak nganpi a um cang.

Hi ti ning a si ko ah cun, 2021 ah khin cun global GDP hi 5.4% tiang a kai te lai. Cucu 1973 hnu in a thabik kum a si te lai, tinak a si. US GDP hi 4.5% tiang a kai te lai i, cucu 1999 hnu ah a thabik dirhmun a si te lai, tiah Bank of America i economists pawl nih chimchungnak an tuah.

โ€œVirus kum, ti si lo in, vaccine ser kum, lockdown kum, ti si lo in, rian onthan kum, zatlak kum, ti si lo in, i hrimthan kum, ti a si lai,โ€ tiah Bank of America ah chief investment straitegist Michael Hartnett nih Monday ah capar a chuah.

๐— ๐—ถ๐—ฟ๐˜‚๐—บ ๐—น๐—ฒ ๐—บ๐—ถ๐˜€๐—ถ๐—ณ๐—ฎ๐—ธ ๐—ธ๐—ฎ๐—ฟ๐—น๐—ฎ๐—ธ ๐—ธ๐—ฎ๐—ต๐—ฐ๐—ต๐—ฎ๐—ฝ ๐—ฎ ๐—ธ๐—ฎ๐˜‚ ๐—ฐ๐—ต๐—ถ๐—ป๐—ฐ๐—ต๐—ถ๐—ป

Market a thanchomi nih hin thilcawtu pawl le corporations sungh lei panh lo tein thathnemnak a pek hna lai. Cu nih cun economy tha a thanchoter fawn lai.

Asinain, Wall Street hi V-shape in ai hrim than tikah i khahlonak dirhmun a chuahpi ve. A ruang cu, market thanchoter a si lio ah zeihmanh a tingco ve lo mi American mipi millions tampi an um ve rih.

American chungkhar dihlakin 52% hrawng lawng hi market ah investment ai ngeihmi an si. Cu hna lak zongah tam u hi cu 401(k)s le retirement accounts hmang lawng in invest an tuah hi a si, tiah the Pew Research Center nih a chim. Direct in market ah invest tuahmi chungkhar hi cu 14% lawng an si.

Stock market a thancho mi nih hin mirum le sifaak karah kahcham tuktuk in a cawhpiak ve hna, zeicahtiah mirum lawng nih hi bantuk game ah hin sawhkalhnak thazaang an i ngeih kho.

2020 i a hmasa thla hnih thum chungah khan, American nih a ngeihmi stocks le a fekmi funds dihlakin 87% hi 10% lawng a si mi American mirum chungkhar lawng nih an i haikonh, tiah the Federal Reserve nih a chim.

Stock hi ahonih an vai ngeih pek ah, markets hi cu a zungzal in a kai peng kho lo. Vaccine cung i an chiahmi ruahchannak an i thathnempi kho mi a si. A tu tein Wall Street in ai thok cang. S&P 500 hi March 23 hnu in 61% tiang a kai manh cang. Cu thawngpang nih cun market pawl hi chunglei in an tha a thawhter ngaingai manh cang hna.

โ€œAsinain, a nganmi stock market pawl nih a miak an hmuh nih hin khat lei ah a thalomi thil a chuahpi lai lo, tiin ruah awk a si hrimhrim lo. Thilman a kai lai, tax a karh lai, khat le khat karlak sachuk man a kai lai. 2021 ah khin thilman thlung tawngin a kai te lai,โ€ tiah Bank of America i Hartnett nih a chim.

Catialtu: Chelsea Bawi (GRCM Special Report)