Tulio Hrawng Cu Ronaldo Hi Juventus Ah Aa Nuam Ti Lo Tiah An Ti

Vawlei cung Bawlung transfer window a vun  phanh poh ah Manchester United le Ronaldo kong hi a hung thang lengmang! Tutan zong hi Spnish media lei nih Old Trafford ah Ronaldo hi a kir than men lai tiah thawngpang an langh ter.

TV channel La Sexta Spanish football pundit Eduardo Inda nih United le Ronaldo kong cu a chim than hoi! Kum 34 minung Ronaldo hi Real Madrid in Juventus a thial hnu ah Serie A title cu a lak cang nain, a timhbikmi Champions League title bel cu a tinhmi bantuk a si kho rih lo.

Cun Ronaldo hi upat lei a si caah Juventus boss Maurizio Sarri nih a hmang taktak lai maw ti hi biahalnak pakhat cu a si. Cu biahalnak cu leh har taktak zong a si fawn. Milan he an chuih tan ah Maurizio Sarri nih Ronaldo cu a chawngter hna I, Ronaldo cu a thin a hung ngaingai. Hi buainak ruangah hin Juve player pawl le Ronaldo karlak ah I hmuh thiamlonak tete a um tiah media nih an langhter.

Tulio Season ah UCL title an lak ahcun Ronaldo hi Old Trafford lei a caan dihnak lei cu a hmang lai tiah Eduardo nih a chim.  Juventus nih cun Mbappe le Pogba lak an duh hna tiah Inda nih a chim chih I, Player a tha bakmi pahnih an cawk chap hna ahcun Ronaldo upa caah hmun hma a har cang lai tiah a lang. Cu caah Juventus nih Pogba le Mbappe an cawk khawh hna ahcun Ronaldo nih Juvetus hi a chuah tak ko lai tiah Inda nih a chim.  Note: Tulio Season ah Ronaldo cu Voihnih bak an boss Sarri nih a thleng cang caah, Ronaldo cu a nuam ti lo.

 323 total views,  1 views today

This function has been disabled for Chin 11 News.