Tulio Chin Mipi Thinlung By Pu No Than Kap

Zakhaing, Ralkap, Paletwa le Covid-19 cu kan chiah ta rih hna lai i kan theih khawh tawk in Chin Mipi lungput (politics lei) tlawmpal kan zoh hna lai. February 13, – March 3, 2020 chung Hakha le Falam khua 20 lengkai ah ka khual ka tlawng. Cu ka tlawnnak ah cun mipi pawl he kan thutdir pah in Party dang USDP, NUP, le NLD pawl hna chung in Chin mi hruaitu pawl zong an i tel ve hna. Cun mipi pawl zong nih bia tampi an ka hal ve i cu an ka hal bik mi hna cu a tanglei ah ka hun langhter lai.

  1. Chin party dirh caan a za rih lo, Federal Democracy kan hmuh tikah Chin Party hi kan dirh ah cun a za tuk ko. Atulio ah hin cun Ralkap a doh ngam tu le Federal Democracy an kan hmuh piak kho tu NLD Party ah kan um dih awk a si ko.
  2. Central ah NLD nih teinak a hmuh lai i rt. 261 bantuk in an Party chung in Cozah dirhtu CM pawl a chiah hna lai. Cu ruang ah cozah a dirh kho lo mi Chin Party ah kan um lengmang mi hi sullam ngeilo a si. Cu ruang ah cozah a dirh kho mi NLD ah kan um ding hrim a si ko.
  3. Chin State chung ah CNLD nih cozah a dirh khaw si zong ah Central ah Party dang NLD a si lai caah Chin ramchung ah phaisa lut a tlawm lai i mipi pawl kan harsa chinchin lai.
  4. CNLD hi Ralkap le USDP he nan i kawp ti mi hi a hman mi a si maw?
  5. Chin Party cu lu le hram a ngeilo mi bantuk nan si caah dirpi awk tlak nan si lo.
  6. CNLD nih lu 3 nan ngeih caah rak tling hmanh ulaw CM tuan ding ah buainak nan ngei than rih ko lai.
  7. Sagaing ah CAM na tuan hlan ah khan campaign na tuah lioah khan thimnak ah ka tlin a si ah cun zu khur chung tiang hmanh ah electric mei ka ceuter lai na rak ti mi kha na ceuter kho ne maw… a bia telawng a si ko an in ti ko lo maw?
  8. CNLD cu sinak le thutdenh ruang ah a buai sawhsawh mi nan si caah bawmh tlak nan si lo.
  9. Chin mipi tampi nih kan herh bik mi cu ei-din, inn le Lo, lam hna hi an si. Hi bantuk kan herh bik mi an kan pe kho tu cu NLD lawng hi an si caah nan kan tuah piak kho ve lai maw?
  10. Chin mipi nih kan in dirpi taktak khawh nak hnga ding ah CNLD nih nan i tumtah mi le party dang he nan i lawh lonak zeidah a si?

 154 total views,  1 views today

This function has been disabled for Chin 11 News.