Tulio Ah Theih A Herh Bak Mi Le Ralrinawk Thil Pa(3)

2020 US milu relnak form phih cio dingah US um Chin miphun Nulepa tuanvo kan ngeih lio te a si. Chin tiin phih khawh i zuam cio hna uhsih. Nulepa nih phih kan thiam lo ahcun kan fale zong tlolh lo tein fial i zuam hna uhsih. Cuti asi thiam lo ahcun innpa chakthlang le upa theihhngalh mi sinah fuh in tuah i zuam hrimhrim.

Greencard kan i tlaih caan kum(5) chungah sualnak a phunphun tuah ahcun fawi tein deport tuah khawh asi. US Citizen ka ngah ko cang ti ai pat in zeitluk sualnak ka tuah zongah an kan khirh bal ti lai lo tiin maw ruat sual lai uhsih. Cozah sinah lih le hrawkhrawl in thil kan tuah ahcun khirh khawh thiam kan si. Lilla Haiddar ti mi nu hi US rammi sinak a ngeih kum (20) hnu ah kuat than ding asi. Aruang cu US rammi asi hnu ah ningcang lo le lih in a cawlcanghnak a tam tuk caah asi. US phaknak ah case cu a phunphun in tuah ve ko hmanh hna uhsihlaw kan phak hnu ahcun cozah sinah lih le hrokhrawl in kan cawlcangh chap ti lo a tha. Kan case an kan dawi peng ko ti thei hna uhsih. ICE nih Citizen a si cang mi case zohfelnak tuah than dingin agents 300 lak a timh than hna. Kanmah Chin Miohun zong an kan hnursuan khawh mi asi.

Covid- 19 ruang longah siloin lengchuah tikah kan pawngkam minung cung zongah kan i ralrin ngaingai a hau. Mirang lakah mitha an tam bantuk in nehsawh le thleidannak nganpi a ngei mi an rak um ve. Kei rian ka tuannak ahhin keimah long Kawlram mi ka si nain tukar hrawngcu ka hawi le nih Asian tiin an ka capo pah tawn. Laimi tampi rian an tuannak ahcun zeitindah an kan hmuhning asi ve hnga ti a ka ruahter. Coronavirus ruangah Gorgia le Dallas ah kan Kawlram mi nih harnak kan tong cang.Hi zawtnak hi US ram ahcun ai thawk ka lawng si rih caah zeitiangdah harsatnak kan tawn lai chim awk a tha lo. Rai zawtnak le eidin kong lawngah si loin pawngkam minung hna cung zongah thutdir le biachim zong ralring tein kan um a hau. Shopping le bazaar kal zongah mitfim tein ralrin i zuam hna uhsih.

Laknak : Al Bik Lian/Religious And Political Voice

 157 total views,  1 views today

This function has been disabled for Chin 11 News.