Tukum Kawlram Pumpi Thimnak Ah A Hohmanh Nih Vote Pek Lo Ding In (No Vote) Cawlcangh An I Tim

Tukum, aralai mi November thla ah Myanmar ram pumpi thimnak kong he pehtlai in mizei hmanh nih vote thla bak hlah uh tiin No Vote cawlcangh nak phu an dirh i Myanmar ram pumpi chung Fimnak nak phu hna nih tuchun khan cawlcangh hram kan thok cang tiah thawngthanh nak an tuah cang. No Vote phu a dirh tu hna hi Burma Students an si hna i Kawlram chung dihlak fimcawnnak phu an i tal hna, cun President hi Ko Tat Maung Maung a si.

“2008 phunghram tangah an tuah mi ram pumpi thimnak a si caah hi thiman (Election) ah hin Vote kan pek awk a si lo. Cun hi thimnak an tuah ning kong ah hin Burma Students nih duhlo nak le lungtlin lonak kan langhter (Sandah kan piah). Cu ruang ah Kawlram chung dihlak ah a um mi mipi zong nih vote kan thlak ding a si lo tiin No Vote Group pawl kan cawlcangh nak hi a si” tiin Burma Students i President a si mi Ko Tat Maung Maung nih cun a chim hi a si.

Hi kong he pehtlai in tuchun suimilam 3 ah khan Mandalay Yat Ta Na Pung Collage ah Media vialte hna hmai ah thawng fiang chimnak zong an ngei hna i tuchung thawk in cawlcangh hram kan thok cang tiah Kawlram Media hna hmai ah an chim zong hi a si.

“Nihin ah cawlcangh hram kan thok cang, tlaih khih ding an kan ti zong ah ready kan si, kan nih cun mi zei hmanh nih vote an thlak nak hnga lo ding ah kan cawlcang ko lai” tiin Burma Students ah Secretary a si mi Ko Htoe Khan Thaw nih cun a chim ve.

Vote thlak nak kong he pehtlai in phunghram article 58 (ဃ) ah an tial mi cu “election caan vote hrawh ding in a cawlcang mi hna, election tuah kho lo ding in a cawlcang mi hna le mipi sinah forhfial nak a tuah mi hna, catial nak in siseh chimnak in siseh asiloah cawlcangh nak dang pakhat khat in mipi sinah a cawlcang mi hna cu kum 1 nak tamlo thongthlak le tangka Ks tingkhat nak tamlo dantat an si lai tiah an rak langhter ve ning a si.

Source: Duwun (Burmese-Hakha)

 338 total views,  1 views today

This function has been disabled for Chin 11 News.