Tukum Christmas Lai Lailei Dawr Thil Caw An Tlawm

Tukum Lailei Christmas lai thilzuar thil a man tuk lo lo. Tukum Christmas lai Laitlang dawr hngak pawl an thilzuar tu hna cu an lungning a si deuh lo. Kumdang bantuk a si lo tiah an chim.

Tukum ah Hakha ah a ummi dawr thil hngak pakhat zong nih ” tukum cun khuate in a rak ummi thil caw an um bak lo. Zeitindek a si hnga. Thil a man bak lo. A ruang cu Kalay le Tahan hrawng ah a ummi Kawl le Tedim sumdawng pawl hna nih khaute ah an kal hnawh hna i a ba in thil an pek tuk hna tiah khuapi ah an mah an ra ti lo” tiah a chim.

Chinmi tampi kan umnak Tahan zong ah nikum bantuk in thil a man ti lo. Nikum ahcun thil man a tha ngai. Khaute in minung tampi nih thil an rak cawk i tukum cu nikum bantuk a si ti lo tiah an chim.

Thantlang ah a ummi thilpuan dawr hngak pakhat zong nih kum dang bantuk in tukum cu thilcaw an tam lo. Christmas lai a si i kan thilman zong kan thumh cio ko nain khuate in thil a rak cawmi hi an tlawm ngaingai tiah a chim ve.

Laimi caah cun Christmas lai te hi thil kan i cawk can bik a si. Kum khat chung ah thil kan i cawk tambik can a si i dawr hngah tu hna zong nih an dawr thil an manh bik lio can te a si. Sinain tukum cu kum dang bantuk in dawr thil a man lo tiah an chim.

 

 215 total views,  1 views today

This function has been disabled for Chin 11 News.