Tuchun Yangon Thilcang Mi Kong Ah Police Lei Nih Thawngpang Fiang Tein An Rak Langhter Cang

Tuchun ah online le facebook ah chikhat te a hung lar manh ngai mi le mipi lau dihlak in a kan tuah tu thawngpang cu kum 20 nungak nu nih kum 60 hrawng pitar nu suithi fir piak a duh ruang ah a hnawng ah namte in a ah ti mi thawngpang  a si. Hi kong he pehtlai in palek lei nih thawngpang fiang an chim mi cu kum 20 nute nih hin suithi firpiak a timh bia a rak si lo.

A taktak ti ah cun kum 60 pitar nu hi a rak palh deuh lehlam ko, kum 20 nute nih hin zuunput chung ah phone a rak philh ta mi lakthan ding in a kal nak ah pitar nu nih biafak ngai in a rak volhpamh i bia el nak a chuak mi ruang ah an rak i vuak hi a si.

Palek lei nih thawngfiang an rak chim mi cu “tuchun ah Yangon Pazundaung Yekyaw City Mart Zuunput i thil cang mi kong cu hi ti hin a si. Kum 20 nute hi City Mart ah hin nithum ah voikhat lengmang anhringso a rak petu a si. Tuchun zong anhringso a rak put lio ah zuunput chung a lut icu ah cun a phone hi a rak philh sual.

Phone a philh mi lakthan ding ah a kal lio ah cun kum 60 hrawng pitar nu nih cun tuchan mino hi nan daitlang tuk, zeihmanh zong nan ruat lo, uichu lawngte nan si tiphun in bia chiakha deuh lawng tein a rak ti ko cu teh. Kum 20 nute nih cun a duhve lo caah a rak leh cawlh ve, bia an i el pah cun an kut he an ke he an hun zuang veve i pitar nu cu a mitbenh (sunglass) a kiak sual. Cu a mit-hmaan kiak mi cun kum 20 nu nih a sawh hi a si.

Cun a phone cover chung ah a chuah mi blad in a rak ah chih ko khah. Cu hnu ah pitar nu nih cun ka suithi fir a ka timh, namte in a ka sawh tiah a au i mipi nih an rak chuah hnawh hna hi a si” tiah police leinih thawngpang sining an hun fian ter ning cu a si. Pitar nu zong cu siizung ah an chiah ko i a hma zong cu a faktuk a si lemlo tiah an langhter chih. Cun kum 20 nute cu pohmah 326 nih a hmuh an phonh piak tiah police nih cun an langhter.

Source: Kalaymyo Mobile အာမခံ ဖုန်းရောင်းဝယ်ရေး Kalay (Kawlca in rel a duh mi hna caah)

 191 total views,  1 views today

This function has been disabled for Chin 11 News.