Tu Zanlei Cu Ka Tap: By Sui Chin

Sizung in Longterm care Nursing home ah rian ka thial hnu in mithi ding tampi ka bultawl cang hna I tampi ka kut ah a donghnak an thawh a dihmi tampi ka dawmhtleih cang hna.

A cheu cu palliative care( Thi ding bultawlnak) ah chiah an si kain tu le fale nih Dawtnak in minute khat zong cat loin in umpi mi an um lio ah a cheu Nu le pa cu fale nih an cah in vun kan phone te uh atimi an um. A cheu cu funeral home phone rak chawn hna ulaw cuka ahcun an ruak kan va zoh te lai atimi an um. A cheu fale cu khual ka tlawng lai ka um manh lai lo tiin an cah hmanh hngak loin khual tlawn tak mah lawng in a thimi zong an um. A cheu cu fa an ngei. Chuahpi ule nau zong an tar cang caah dawmhtlaitu ngei loin kan kut ah a catmi zong an um. Vui tampi an caah ka lawm, Keimah zai in ka zai. A can ah an fa neih chun sining law cu bang a donghnak an thaw a dih tiang in an kut kutte hum in ka thlahmi hna zong an tlawm ve lo. Minung ka si ve. Emotional he a nung mi ka si ve. Ka mithli a tlak can le a tlak lo can zong a um ve ko.

Tuzanlei cu ka Pi pakhat a cat cuahmah than. Ata cu facility dang sh covid19 in a thih cuahmah ve ti asi. Kapi te cu dawtu fanu fapa 5 a ngei nain a ta a fa le nih cun a ta te cu an va veh pah tawn caah kan unit ah an lut kho tilo. A cat cuahmah ti cu Thla Lang zeng leng lei in an vun zoh I mithli Donh cawk lo he an vun zoh ko nain kut nem te vuikhat tleih khawh loin ….
Neih tein an zoh khawhnak hnga kapi cu a ihkhun he thlalange Aung hram te ah kan chiah I a fale nih cun leng in an vun zoh. Nazi zeimaw zat chung khuasik lakah cun an dir nain kutnem in an domh kho tilo.

Covid19 nih cun dawtnak a hngal lo. A dawtmi Nu le fa pa le fa a hngal lo. Vulei ah nunnak pakhat te lawng kan ngei. Cu nunnak dih le dongh nak a hnu bik thaw a chuah can te ah dawtu hna thlei le hran an si ko cu a fak tuk ko ee

Ka shift nazi pa 8 a dih. Lawi a cu. mu le mal ka ngei kho lo. Tuzan zeitik maw ahcun ka Pi te cu Amah te lawng in a kal ko ne la.

Laitlang ah a ummi kanu ngai in ka rum. Nun lio ah duh ning in i dawt khawh lo cu a fak. Milung Khing taktak ka si ve nain nihin cu mithli he inn ka tin

 271 total views,  1 views today

This function has been disabled for Chin 11 News.