Ttih Hi An Nung Tuk Lawmmam Ko Ee: Ralhrang Nih Thong An Thlak Mi Hna Nu Pawl An Tlaihhrem Hna Ee

Ttih Hi An Nung Tuk Lawmmam Ko Ee: Ralhrang Nih Thong An Thlak Mi Hna Nu Pawl An Tlaihhrem Hna Ee

SAC ralhrang pawl nih an tlaih mi hna Thongtla Nu pawl an him lo tuk nak kong, Kan hnu lei ah thongchung in a chuah mi nu nih a chim mi cu ngaihchia si. Min langter a duhlo mi Thongtla nu nih a chim mi cu, 2022 April thla ahkhan Ralhrang nih a ruang um loin dawr kan hngak nak ah an rak kan tlaih. Thonginn pakhat ah an kan kal pi ii, zarhkhat deng an kan um ter hnu in a dang thonginn ah nu pa 8 an rak kan thial tthan.

Cu an kan thial hlan ah Thonginn bawi pa nih Cases an kan tuahpi kha, Zaankhat chung a mah he um ti ahcun Kum 1 tlak dingmi kan Cases cu thla 8 ah thialpiak nan si lai a kan ti ii hramhram in an kan tlaih ii, a kan sual pi. Cu hnu cun Thonginn dang ahcun an kan thial. Cu zong ahcun asi thiamthiam rih. Kan hawinu cu Nu Phung{Period} A ngeih lio asi ii, zarhkhat chung a zaww beh. Cu caa cun pa pawlnak in Nu pawl kan caa ahcun tih a rak nung deuh tuk ii, a har zong a rak har deuh tiah a chim.Source:KRMN

Relchap>>>>CBCUSA, CDF’s Supporting ralrin peknak!
Kan ram buai ruang ah CBCUSA, kan pa le hlun simi Thawngling Mualhlun le Thlaawr Bawihrin nih CDF’s supporting an rak dirh. CDF’s bawmhnak cu CNA/F tang in pek chin te ding in policy thaten an rak thlak mi si. Cucu lungtho te in mipi nih, mah le Pengtlang in siseh khua in siseh pumpak in siseh kan rak thawh cio dih hna. Sihmanhsehlaw ruahnak bantuk in CBCUSA CDF’s supporting upa thar pawl rian nan tuan lo, CNF kan pa le zong zeirel lo in nanmah nawl in nan cawl.

Nihin tiang tlam nan tlinh kho lo, nan tlinh khawh lo mikha, CNF kan pa le sin ah tangka zong ap nan duh fawn lo. Nan cawlcanghnak a chung thilri hi kan theih dih mi si, zei dah nan cawk cang zeizah dah tangka nan hman cang. Zeitluk in dah 10 millions project hi a kal cang, tihi a chung thil sining vialte kan theih dih.

A ra lai mi CBCUSA OB meeting ah hin CDF,s supporting upa te hi nan thlak hna hrimhrim an hau. Nan thlak hna lo ah cun, kan ram miphun le mipi tangka hi CBCUSA upa te nih nan khanh dih tinak si ko. Thiam lo mi rian hi Pastor pipi nih rak i sawh len ding si lo. Kan ram le miphun ma nan dawt deuh pumpak minthatnak le bawi tuan duhnak dah, CBCUSA kan pastor pawl? Atu ka tial mi hi first warning lawng si rih.

Second warning ah cun, CNA/F dokalh phun in a um mi CBCUSA upa pawl kha nan hmanthlak zong ka rak tar dih lai. thlahlawh pek in Pastor a tuan mi hna nak cun, thlahlawh loin, ramtang ah kum 35 chung ram le miphun zalonnak ca i rian a tuan tu hna CNA/F kan pa le khi kan upat deuh hna!
Tialtu. Chin Anonymous.