Trump: WHO Bawmhnak Phih Chung A Hau

World Health Organization (WHO) hi USA nih phaisa bawmhnak a pekmi ngol ding in president Trump nih a hnubik press conference a tuahmi ah a chim. A ruang cu Covid-19 a chuahnak Tuluk in USA a lutmi vanlawng phih ding biakhiahnak Trump nih a rak tuah lio ah WHO nih khualtlawn kham a hau rih lai lo an rak ti lio a si tikah ka bia an ka al, an ka doh tiin ai ruah.

– WHO nih mah ka biakhiahnak an rak ka al/dohmi a ruang hi hlat a hau, cun phaisa kan bawmhmi hna zong ngolh chung ding a si, tiah a chim. USA cu 12 300 hrawng an thi cang, i minung sing 4 deng an i chonh cang. Thawhthan dih zarh ah khin cun million khat hrawng an i chonh kho i thongsawm in an thi lai tiah an ruahmi a si. Cu caah an president Trump cu mawhchiat a si.

Trump nih Covid-19 hi biapi ah a rak chia lo, ttuanvo a la lo i a tawlrelning a fum tuk tiah an sawisel, an mawhchiat tuk caah atu bantuk in WHO a vun phomh cang hna.

Laknak: Teirial Catialtu

 166 total views,  1 views today

This function has been disabled for Chin 11 News.