Trump Tanpi Tu (Supporter) Pawl Hi An Mawh Ve Bak Lo!

President Trump tanhtu pawl nih Arizona polling center an luh hnawh ruangah vote an rel kho ti lo. Cun Joe Biden cak nak 200,000 kha 68,000 an an tlak ter. Trump supporter tanpi tu hna nih vote hi rel than an duh. Counting center inn ka hram ah police (Palik) he an dir awnh hna! Credit: MSR

US President thimnak Vote hi relcuahmah lio a si i, Republican Party candidate Donald Trump nih vote an rel ningcang a dik lo ti a theih ruangah Rennsylvania le Michigan ah complaint a tuah. Vote hi state thenkhat ahcun an lim rih lo i, Associated Press nih a langhter ning cun Trump hi electoral vote 214 a hmu cang i, Biden nih Vote 264 a hmuh ve cang. Kan theih khawh tawkah Alaska, North Carolina, Georgia le Pennsylvania ah Trump nih lam a hruai lio i, Nevada ahcun Biden nih lam a hruai lio ve. Covid -19 ruangah postal ballot deuh in vote thla an tam i, mah ruangah hin an rel chung zong a rauh deuhnak a si.

Republican party candidate Trump nih state thenkhat ah vote an relning a dik lo tiah a chim i, Pennsylvania le Michigan ah complaint nak a tuah. Pennsylvania Governor Tom Wolf nih a nawlneihnak hmangin kan umnak chung i vote tla mi vialte cu tha tein rel dih a si ko lai tiah a ti ve. Trump a hmunhma ah ruahmi Michigan le Wisconsin ah Democrates Party nih teinak an hmuh ruangah Joe Biden le a riantuanti pawl cu teinak hmuh lawmh dingin an i timtuah cang. Tuchun ah Trump a tuantu le a duhlotu hna karlak ah buainak a chuak i, Manhattan palik nih minung 60 hrawng an tlaih hna. Ram pumpi venhimnak caah felfai tatkak in kalpi an i zuam lio a si. Credit : DD News