Trump Tanhtu Pawl cu a lam bakin an lam ko cang!

Donald Trump nih 2020 November election ah teinak a hmuh tthan lai, teinak sawhsawh hmanh si loin Landslide bak in teinak a hmuh lai tiah Republican officials nih an zumhtuk nak kong an langhter. Phillip Stephen, North Carolina, GOP county chair a simi nih ” Donald Trump nih a term hnihnak zong hi teinak a hmu hrim lai tiah kan chim ngam, tei sawhsawh lawng hmanh si loin lanslide bak in a tei tthan ko lai” tiah a chim. Donald Trump caah thawngpang tha ngai a si.

Democratic Party lei chim mi, poll nih zeitin hmanh in langhter ko hna sehlaw teinak a hmutu taktak cu Donald Trump a si tthan ko lai. A ruang cu US Sipuaizi lei in Donald Trump nih biatak tein campaign a kal pi tthan lai zumh a um i, voter tampi nih a cawlcangh nak record zoh in vote an pek cio te lai tiah an zumhnak pawl an chim hi asi.

Covid-19 zawtnak nih US Sipuaizi faktuk in a den lai i Democratic Party lei nih Donald Trump soisel nak ah caantha an lak lai tiah mipi nih zumh cio a si. Cu pin ah Minak pa thahnak ruang ah Donald Trump soiselnak lam an ngei ngai ngai. Asinain May thla chung White House report an langh ter tikah rian thar a tuantu tamtuk an karh, US Sipuaizi that lei a panh timi a langh tikah Donald Trump caah cun lung a hmui ngai ve.

Ref: Daily Mail (VOM)

 172 total views,  1 views today

This function has been disabled for Chin 11 News.