Trump Sin Ah House Republican Minung 22 Bak Nih Minthut In Ca An Tial!

The washingtonexamminer nih a langhter ning ahcun House republican minung 22 bak nih President Trump sinah Attorney General William Barr cu “Election Integrity” dothlatnak tuah dingin special counsel tuah seh tiah ca an kuat!

House republican Rep.Lance Gooden of Texas in a hruai hna. House republican 22 nih min thutnak an tuah. An catial ning ahcun President nih Attorney Barr cu nawlpek i, tha taktak in tutan thimnak ah thildik lomi vialte hi dothlatnak tuah sih seh an ti.

2020 Election kongah buainak fak tuk a chuakmi hi mipi nih thil sining fiangtein theih an duh dih cang. Atu election result hi cu Trump nih a cohlang kho lo i, thil dik lo a um hrimhrim ti hi a zumhmi a si. Vote fir le lih thil tuah caah a si ka sung hrimhrim lo tiah a chim peng. Cu caah thil sining hi fiang tein mipi nih theih an duh tuk hi a si.

Tutan Election kongah biahalnak tamtuk an leh khawh lomi a um caah Special bak in hlathlainak tuah dingin President sin ah Minthut bak in caa an tial hi a si. Trump nih zeitindah a leh hna lai ti cu zeihmanh thawngpang a um rih lo. Credit: Washington Examiner!