Trump Phiarmi Raifanh-Sii Pawl Khuazei Ahdah An Hman Lai

Coronavirus mizaw thlopnak caah Donald te phu nih mizaw 30 million tluk a dinh kho dingmi raifanh-sii an phiar. Cu an phiarmi raifanh-sii pawl cu 2016 Thimnak i teinak a rak hmuhnak State 16 chungah cun an kuat dih hna.

US ram chung States 22 chungah an kuat ti si. Cu chungah cun, Washington D.C zong aa tel. Adang State 5 lakah North Carolina le Louisiana zong an itel. Cu States pahnih belte Democratic governor nih an uk hna.

U.S Food and Drug Administraion FDA nihcun, Covid-19 mizaw thlopnak ca i raifanh-sii hman ding cu ralrinnak a pek hna. Siizung chung i siibawi te nih an thlop hna ning si loin, mah nawl cun din sual lo hrim dingin ralrinnak a pek. Siilei thiamsang hna nih ralrinnak an pek tuk ko bu ah, Donald Trump nihcun, raifanh-sii (HXCQ) a ṭhatnak kong cu a tlawm bik voi 17 paoh cu a chim, tiah an ti.

Utah, Ohio le Oklahoma nihcun cu raifanh-sii cu tor lakte an icawk. New York, Connecticut, Oregon, Louisiana, North Carolina le Texas belte Amneal Pharmaceutical nih tor lakte a hlut ve hna. Florida tu cu Israel company Teva Pharmaceutical nih 1 million a hlut hna ti si.

Donald Trump nihcun, naite ah, bacteria thahnak sii (disinfectants) chunh chung dingin ruahnak a chuah i an lau tuk hringhran. A thaizing ah kaa capomi si a ti salam. Aa capomi a rak si lo. Minung pakhat nih “a ṭha khomi si” ti in ca rak kuat caah mah bantuk in a rak chimnak si tiah an ti.

Credit: Salai C Alexander

 153 total views,  1 views today

This function has been disabled for Chin 11 News.