Trump Nih Tutan Ah MARTIAL LAW A Hmang Lai Maw?

Kanmah kan ruahnak ahcun Fake news le Trump a dotu le a leirawitu pawl hi cawl kho loin tuah dih hna seh law, CNN lih a chim lengmangmi hna hi phih dih seh law, Ralkap kut tangah thimnak thianghlim tuah dingin Martial Law hmang seh law tiah kan duh!

Nain Trump nih hin Martial Law hmang loin thil tuah ning le President si thannak lam hi a theih hrimhrim lai ko lai dah! Fiang tein in a chim duh rih lo caah a si. A sinain a mah a tanpi tu nih cun fak ngaiin tan an rak la ve ko. Ruah ning leng tuk in Trump hi a ruahnak a puitling! Pathian a tih i, Thlacam piaktu le Umpi tu Thiangthlarua nih a hruai caah a si.

A mah belte cu America ram chungah thil hmun kip ah China Secret agent hna an i telnak le cawlcanghnak tamtuk pin ah US President thimnak tiang ah an rak i teltum ngam caah , Tulio Defence Budget tam ahhin China cu teitu dirhmun ah a um. Cu ruangah si lai cun ‘Veto’ ka hmang lai a ti. Phunglam a thiammi Siddey Powell le Ralkap General thenkhat nih President hi a duh ahcun nawlngeihnak kongah (Extraordinary Powers) hmang khawh a si tiah an rak chim kha a si.

Relchap Dingin Tuzing US Dirhmun: – State kip Electoral College hna nih Biden cu US President caah tlamtling tein an thim cang! Hi thil a cangmi hi khuaruahhar ding a si lem lo. A kal phung te a si ko. Tutan i thimnak ahhin Biden Electoral Vote 306 hmu dingin ruah cia a si ko. Trump team hna nihcun State paruk 6 ah Vote diklo a tamtuk an timi kha a si.

Michigan ah Judge nih Dominion Chek dingin siannak a pek. A herhbikmi cu Vote diklo a umnak an theihnak kha Checking an sianh hna lo kha a si. Court nih Evidence a hal hna i, Evidene zohter khawh ding cun Checking siam ding a si i, A sinain Election Board nih zohter an duh hna lo. Court an hal hna nain Court an i thlak duh fawn lo. Tulio Bawlung chuihnak i, an hmanmi VAR (Video Assistant Refree) hman bantuk khi cu siseh law, zeipoh a lang dih ko hnga, Nain an sinh bak hna lo caah ruah ding hi a tam ko.

Geogia State, Cobb County ah Singnature audit an tuah lai. Hi an tuahnak ahhin Voter Fraud an hmu lai maw? An hmuh ahcun EV pek cia mi zong an chuh khawh mi a si. Hunter Biden Investigation theih ko buin a rak thuh ruangah AG William Barr cu Trump nih a phuah colh. Hi bantuk thil hi tuanah rak theih hna seh law, Biden Vote 20% cu an vote lai lo tiah a chim.

Trump Campaign nih “A Dih Rih Lo” An ti.