Trump Le Biden An i Phomhnak Ah Hodah Bual A Co A Fiang Bak Cang!

Avoikhatnak Trump-Biden Debate tuahmi ah Ahodah Buan a Co?
===================================================
(Tanh hlei a ngei lomi BBC mithiamsang asimi Anthony Zucher nih a tial ning in leh piak nan si)

https://www.google.com/…/amp/election-us-2020-54345192

Eidin tirawl he lehtecelh in dohnak tuah bantuk a lo mi Politic kong i debate tuahmi ah hin buhfang nih a khen lo bikmi paoh hi buanco an si tawn.

Tuesday zaan debate ah khan, buan a cotu cu Biden hi a si – Ka kumkhua tam cang ko hmanh sehlaw ka karhlan kai palh rih lo, harnak ton caan zongah fektein ka dir kho ko rih lai, tiin American mipi sinah tehte langhter kho sehlaw cun, a thatuk ko hnga mu. Ka ralpa hmai khat ko in buhtlang ka cheh khawh ko. Kai tha lo, tiin tehte a langhter awk a si.

Trump nih a bia a tanpiak tawn, zeirello in a leh tawn ko nain, Trump bia le hla lila vun i thlir i lehnak tuah khawhnak dirhmun tha hi Biden nih ai ngeih ko.

Midang nautatnak, dawhcahlo bia le hla, midang den le tuaitamnak lawngte Twitter chung i thawngpang kan theihmi vialte kha nazi 1 le cheu chung a rau mi tutan debate tuahnak zongah cun kan vun theih than taktak ko cang. Vaanchiat e tiah, social media i a tial a langhtermi vialte cu amah a tanhtu pawl telhchih in American mipi hna mithmuh ah dotla lo ngai an si ko cang.

Amah ralchanh in zuamcawhnak vialte thumthlaak khawnak dingah Trump nih hi debate hi caantha bantukin ai hman awk te cu a si. Cun, economic, health le ramchung buaibainak varaal kai i tluangtein karhlan khawhnak dingah hi debate hi a hman zia ai thiam awk te a si.

Vote pek ding le pek lo ding ai fiang rih lo mi American mipi 10 lakah 1 hmanh an lungthin thlen khawh dawh dang in a um ti lo.

Ka Dua, Na Ka Na Cip Kho Lai Maw?

Tutan election debate hi zeibantuk muisam dah a ken te lai, ti cu a tu tein a fiang ngai ko cang. Trump nih ai tinhbik mi cu Biden biachim lio i vun aukhuan hnawh hi a si. Biden biachim lio ah heh tiah hnahnawh pek khawh ai zuam lai. Tutan debate hi cu buaicur in khat le khat biaka in i phomh caan a tam te lai i, Trump nih hin Biden i a cinkennak thluak a that le that lo biatak tein hnehsak ai tim peng. Cun, Biden nih Trump cu i titer a thiammipa, tiin a auh ve. “Ka dua, na kaa na cip kho lai maw?” tiin Biden nih Trump cu a vun ti ve.
A tu le tu Trump nih Biden cu a hnulei deuh khin a hmur a euh hnawh, copo a seih, a lu a thin hnawh.

A tu cu Covid-19 kongah ahohmanh bia i tanpiak lo tein minute 2 le a cheu chung bialehnak nan tuah caan a si cang lai, tiin moderator Christ Wallance nih thawng a vun thanh. Hi kongah cun Biden hi ai timhlamhnak a tha ngaingai. A caah cun Good Luck a si ko.

Vun tawlrel awkah caantha caan sunglawi bik a si mi tutan debate cu cu America ram ah a chiakabikmi thil bantukin ruah le hmuh a tong diam.

Biden I A Camera Ai Thawn

Coronavirus kong a si paoh ah cun Trump caah thil harsa a si. Debate ah tuan tein an chuahpimi biasu a si diam ai. American minung 200,000 lenglo an thih phanhnak thil buai kongkau i lehnak an tuahmi kut chungin ai humzual a hau. Ai chimkanh ve mi cu, karhlannak ka tuahmi ruangah American mipi tamhpi thihnak thlantlang chungin ka khamh hna. Biden nih hi nak tamdeuh hi a thihter lehlam hna lai, tiin a chim.

Biden nih a tuah hnga awk a si mi cu, direct bakin camera lei hoih in, “Trump hi nan zum cio maw aih” tiin a zohtu pawl sinah biahalnak a tuah awk te khi a si.
Campaign ka tuahmi hi a ngan hringhran, tiin Trump nih amah le mah a vun i chimthiam. Biden nih cun mipi an lung a lak khawh lo caah campaign a tuahmi hi hmetete an si, tiin Trump nih a vun ti.
Pulrai kongah siseh, cun pulrai hi that lei maw a panh, chiat lei dah, timi kong i Candidate pahnih nih an hmuhning an chimmi hi an i dang ngaingai.

Trump nih records (a limmi rian) pawl a cawngia Tutan debate i American mipi nih inn lei i tinpi kho hna seh, tiin Trump Campaign nih saduh an tuahbik mi cu hihi a si: “Ka ram nih a tonmi buaibainak tawlrel dingah Public office i Biden a thut hi kumzabu canceu hrawng a rau cang ko nain, nihin thiangah cu buaibainak cu a caam peng ko rih” timi bia hi a si.

Office ka thut in 47 chung lawng bakah kum 47 chung i na tuah khawhmi nak tamdeuh ka tuah khawh colh, tiah Trump nih Biden cu a vun ti.

Debate an tuah a donghnak lei deuh ah khin hi kongah Biden nih lehnak a tuah ve.
Hi kan President chan ah hin, kan derthawndeuh, kan zawfaak deuh, kan si a faak deuh, kan i themhmal deuh, tiin Biden nih a ti ve.

Trump nih a thuhmi a tax kongah Biden nih Ziah a tlolh

Sunday zan i Trump a tax kong NY Times nih a tialmi cu bomh thlawh hnawh bantuk in ruah a si. Kum tampi chung zapi sin langhter lo in Trump nih a thuhnawhmi a thawngpang cu mipi nih theih an vun duh ngaingai cang.

Tax kongkau cu debate ah tlaang an tar piak i, 2016 lio i a pekmi kong lawngte kha Trump nih a chim. Tax tampi ka pek ko cang, tax bill pek lo khawhnak thazaang kai ngeih nak a ruang cu pek lo in um khawhnak phung kai ngeih caah a si, tiah a chim.

Nanmah Republican lei nih tax kongah reform
(remhsiamnak) nan tuah caah pei a si fam cu, tiin Biden nih sual a phawt. Sianginn chawngsaya te nih an pekmi tax nakin nangmah nih na pekmi tax hi a tlawm deuh dawkaw, tiin Biden nih Trump hi vun ziah len khawhnak lam ai ngeih ko nain, Trump he ai i turhkhonh ruangah a philh diam.

Trump tax returns kongkau hi tutan campaign ah luat ding muisam a ken sual ah cun, tutan debate tuah ruangah a si, tiin ti awk a tha lai lo.
‘Keimah cu Democratic Party ka si, Bernie ka si lo’ Biden hi a party pawl nih sopaw lakin an forhmi pa a si, timi biatlaang hi Trump nih tutan debate i chim le aupi ai timh bakmi a si. Biden zong nih hi kongah i vennak thatein ai ngeih ve.

Tuzan debate i a hramthoknak bik biasuu an taarpiak mi hna cu Supreme Court kong hi a si. Asinain, Biden nih cun Affordable Care Act lei ah a ran khawh chungin ai mer diam. A ruang cu hihi Obamacare a si i, high court ah dinhter dingin bia le hla a um cang caah a si.

Public fund hman i sizung le siai thlonak vialte mi vialte sinah pek dih nai tim, private insurance hrawh na tim ko nain, ai tim lo bantuk in nai um ter, tiah Trump nih Biden cu sualphawt a timh.

A tu hi Democratic Party dawkaw ka si. Ka dirpimi hi Democratic Party dirhmun dawkaw a si, tiin Biden nih a leh.

“Donghnak that dawhdang a si ruam lo”
Debate a donghnak lei ah khin election kong lungretheihnak le a himnak kong a si. Tutan election hi zalonnak a um lai lo, ai dawhcah fawn lai lo, tiin party kaphnih ningin an langhter veve.

Mail in vote thlak cu dehhlennak a tamtuk ding a fiang ko, tiin Trump nih a tu le tu a chimmi biakaa a dikdiar in an ceihhmai caan a chuah taktak tikah cun phihlik khengtlaang vel in an vel piak. A ngaingai tiah cun, tu kum ko ah hin Mail in vote pek hi American mipi nih an i rinh bik kum a si.

Tutan thimnak hi a dongnak that dawhdang a si lo, tiin Trump nih a chim. Cu ti a chimmi cu kaphnih party i American mipi tam u nih an zumh ning te a si ve.
Hi kongah hin cun Biden hi thazaang chuah chin ai tim i, ballots vialte rel dih ding in election a teitu cu amah hi a si, tiin thawngthanhnak an tuahmi paoh upatnak ka pek ko lai, tiin biakamnak a tuah. Hi kongah chap dingmi i ngeih pah sehlaw a dawh ko nain, Trump nih a bia a tan kanh than i, cuticun Wallace nih “debate a dih cang” tiin a thanh colh ve.

Tutan debate a tlaang ai kawn dan cu cuhlan debate a tlaang an kawn dan he ai khat lo ngaingai. Election i hmaithlaak in tuahmi muisam a keng lem lo. Tutan debate nih hin mi tam an lung a thlen lai, ti zumh awk a um lem lo. Credit: Chelsea Bawi

 227 total views,  1 views today

This function has been disabled for Chin 11 News.