Trump Impiachment Kongah Nancy Pelosi Le Joe Biden An Ruahnak Aa Kalh Taktak!

Nancy Pelosi lungput cu fiangtein thei a si cang. Kum 2016 ah Hillary nih Trump a tei lo hnu ah Trump a sual lawngte an kawl nak ah US ram caah zei hmanh thil tha an tuah manh ti lo. President Trump cu kum 4 rian a tuan hnu ah a tu cu civil mi bantuk in a um cang. Natein Nancy Pelosi nih impeach tuah a timh peng caah Joe Biden zong a holh ve cang!

Joe Biden nih fiang cik cek in a chim cang. Nancy pelosi nih thil tuah mi hi Republican pawl lei bawmhnak lo cun zeihman tlam tling kho ding mi a si lo tiin a chim. Trump impeach tuah ding a cun, Republican lei nih Nancy pelosi cu heh tiah an bawmh a her tiah a chim. Natein Republican lei nih an bawmh lai ka zum lo tiin a chim cang!

House, Senate Floor ah Article impeachment cu a lut pi cang i, Joe Biden nih mah impeachment hi a tlamtling lai lo ti a zum ning a chim. Biden hi kum 30 Senator a rak si cang mi a si, cun Judiciary Committee ah chairman zong a rak tuan cang mi a si, Amah hi experience a ngei tuk mi zong a si.

CNN Monday interview a tuah nak ah, “Senate hi ka um ve chung zong ah thil tampi a thleng manh cang, impeachment trail hi an tuah mi cu tha ka ti, natein a tlamtling lai ti ka zum lo. Republican Senator pawl nih an cohlan ve a hau caah. Mah bantuk impeachment hi cu tlung lo seh tha ka ti, a ruang cu thil tampi a hrawh khawh ding mi a si caah tiin a chim. (Effect tampi a um kho mi a si caah tiin a chim). Source-CNN/ The Chin News