Trump Chim Ning Tein Tuah Hna Seh Law, Buainak Hi A Um Hnga Lo; Nain

2020 Election hi hlennak le hrawkhrol thiltuah a taum tuk ko lai ti hi mi tamtuk nih an zumh! Hi thil kongah hin Trump le a team pawl nih a hmuh theihmi vialte khawh in Court ah tazacuainak an tuah. A sinain court nih voitampi cu Trump legal team pawl lawsuit cu an cohlan piak hna lo.

Hi kong he pehtlai in Donald Trump le A team pawl nih vote zohthannak (Audit) siseh tiah an au pi. Natein state nawlngeitu pawl nih an cohlan piak duh hna lo. Hi ti a si ruangah a tutiang hi ti buainak a chuak hi a si.

Trump a team pawl duh ningin thil hi kal kho sehlaw tutan buainak hi a um hrimhrim lai lo. Thil sining vialte fiangtein a lang cang hnga. A tubantuk in State nawlngeitu le court nih Audit an tuah duh lomi ruangah mi tampi court tiang an zum ti hna lo. Thilsining taktak langhter an suh lo tiah bia halnak tampi a um cang.

Mah bantuk in Audit tuah hi Democrat pawl nih an duh lonak a ruang hi zeikodah a si hnga. Thildik lo a um ko lai tiah mi tampi nih an zumh ti hna lo. Politics Analist tampi ruah ning ahcun thildik hi a rankhawh chungin langhter si seh, Audit hi tuah si seh, zeipoh a faing dingmi a si ko caah vote hi zoh than si ko seh ti hi an lungput deuh a si cang.

Trump nih a duh bantuk in Vote hi relthan siseh law, Trump nih Joe Biden a tei le tei lo zong fiang tein hmuh khawh colh a si hnga i, president thar cu fiang tein theih khawh colh a si ko hnga. Cun Vote hi relthan hna sehlaw Joe Biden lei nih thildik an tuah le tuah lo zong a lang colh hnga i a tha tuk ding khi si. Crd: Thechinnews