Trump Campaign A Tuahnak Hmun 3 Ah Tihnung Ngaimi Thil A Cang, Thinphang Ngai A Si

Trump Campaign a Tuahnak Hmun 3 ah Covid nih Minung 20 lenglo a Tlunh hna

Kan hnung thla i campaign a tuahnak hmun 3 ah minung 20 lenglo, ti awk covid nih a tlunh hna, tiah Minnesota Department of Health nih a chim. Cu a chimmi cu Monday ah khan an official pakhat nih Axios ah a chimchin.

Zeiruangah dah hihi a biapit: Trump campaign nih hin Mask hruk lo le social distancing tuah lo in le, campaign an tuahnak khua hna nih an i ngeih cio mi an phung le an lam zong zul duh lo in an ummi kongah tu le tu thangchiat an tong.

MPR News nih a chim ningah, kan hnung zarh hnih thum hrawng vialte chung kha cu Minnesota ah Covid cases a karh ngaingai i, Monday ni lawng i a thar in an hmuhmi mizaw hi 1,600 bak an si, ti a si.

A dikdiar in zohnak: Bemidji, Minneapolis le Duluth i Trump nih voithum campaigns a tuahnak hmun ah a tlawmbik minung 23 hrawng hi pulrai tlunh an tong, tiah Minnesota Department of Health aiawhbiachimtu Dough Schultz nih a chim.

-Sept. 18 lio i Trump nih a tuahmi mipitonnak (rally) ah officials 16 hrawng rai nih a tlunh hna i, 2 le bang cu sizung an phan, tiah Schultz nih a chim.

-Cu mipitonnak ah cun minung 2,000 an i tel i, mi tampi cu Mask an i hruk hna lo.

-Sept. 24 i Minneapolis ah “Cops for Trump” timi tlaangtaar in mipi tonnak an tuah lio ah minung 3 rai nih a tlunh hna. Hi tonnak ah hin Mike Pence le Ivanka Trump zong an i tel ve, tiah State officials nih an chim.

-Sept. 30 i Duluth ah Trump nih mipitonnak a ngeih lio ah minung 4 rai nih a tlunh hna.

-Mipitonnak a tuahmi kip ah rai nih a tlunhmi

-Miluzat a karh lei a panh, ti a lang. Mipitonnak an tuahnak hmun le caan ah minung 2 in a chunglei rai nih a tlunh hna ah cun, cucu minung pakhat nih a dang pakhat cungah rai a hei chonhchinmi, tinak a si. Tirawl ei dinti nak ruangah a si lo, tiin health department nih a phi an chuah. Cucu pulrai kong a hlathlaitu hna an hmuhning te a si ve, tiah Schulz nih a chim.

-Asinain, hi mipitonnak i an vung kal ruangah direct in rai nih a tlunh hna, ti hi ka chimduh mi cu a si lem lo, tiah Schulz nih a chim.

Zeidah an chimmi a si: “Kan campaign nih hin mipitonnak kan tuah hlan fatinte kan mipi pawl hi temperature kan check hna, i hruk dingin mask kan pek hna, cun kuttawlnak sanitizer zong tampi kan chiahpiak peng hna,” tiah Trump campaign ca deputy national press secretary Courtney Parella nih Axios ah a chim.

-Kan mipi hna Mask i hruk dingin a forhfialtu hna “signs” zong kan campaign nih ai ngeih tung ko hna, tiin a chim.

Cazin ningah: Election he ai pehtlaihmi a dang mipitonnak hmun le caan ah Minnesota nih rai (cases) a hmuhchap mi a um rih.

-Sept. 18 lio i Bemidji i mipitonnak an tuahnak pawng i ai bumi mipi ralchanh in duhlonak a langhtertu hna lak zongah rai nih minung 4 a tlunh ve hna.

-Sept. 18 lio i Duluth i Biden nih campaign a tuahmi ah minung 1 rai nih a tlunh ve.

Oct. 1 ah khan Eric Trump he mipitonnak an tuahnak ah minung 1 rai nih a tlunh ve.

Credit: Chelsea Bawi