Trump Caah Cun Thinphang Ngaingai A Si Cang!

Exclusive: George W. Bush chan lio Administration Officials Za lengkai nih Biden Dirkamh an Timh
===============================================================

WASHINGTON (Reuters) – Donald Trump ai thim thannak doh duh ruangah Republican aiawh in nehnung bik cozah a siamtu officials hlun za lenglo cu Biden tanh dingin an i funtom cang hna. Hi hna hi Republican President hlun George W. Bush chan lio i a official pawl an si.

Hi official pawl lakah hin Bush cozah lio i Cabinet secretaries le a dang senior minung pawl an i tel i, Biden caah, tiin political action committee – 43 Alumni (umti, tuanti hawi thing) an ser. Hi kong hi presidential campaign timhlamhnak a tuahtu phu pathum nih an langhtermi a si. Bush hi US i 43nak President a si.

Super PAC (Political Action Committee) nih Wednesday ah khin website le Facebook hmangin riantuan an thok cang lai, tiah thawngtheih a si. Cadidates pawl nih an i hmaithlaakbiknak state pawl ah Biden dirkamh dingin vote pe hna u sih, tiin thazaang chuahnak an ngei te lai i, video zong in an tehtekhaannak tete an langhter pah te lai, ti a si.

Republican phu tampi nih Trump ai thimthannak a dotu tampi an um cang i, cu hna lak i nehnung bik Trump do dingin karhlannak a tuahtu cu PAC pawl hi an si. Cu lawng a si lo. Cu lawng hlah, coronavirus siseh, rampumpi cuul in duhlonak an langhtermi, cun Black Americans cung i police pawl an tuahsernak a thatlomi kong i Trump nih a tawlrelmi an zoh tikah amah a party chung lila zongin lungthin a peu mi phu an um cang.

Ai ningcang le ai ningcanglo mi thil hi kan theih ko. Nihin kan hmuhmi thil hi ai ningcangmi thil a si ruam lo. Kan President hi tihnung a si cang, 2004 Bush campaign lio ah le General Services Administration ah rian a rak tuan bal mi, tutan i 42 Alumni a dirpitu hna lakah ai tel ve mi Jennifer Millikin nih a chim.

Reuters ah bia a chimmi pahnih an um rih i, Kren Kirksey le Kristopher Purcell an si. Purcell hi Bush i a White House ah communication official a rak tuan bal mi a si. Kirksey hi Bush i 2000 campaign ah a rak bawmtu le nehnu ah Agriculture and Labor Departments ah rian a tlai bal mi a si.

Kan group chung tel le phaisa bawmtu an min cazin vialte hi kan laa kho taktak rih lo. October in cun Federal Election Commission sinah phaisa bawmtu an min cazin pek a hau cang lai, tiin Millikin nih a chim.

Tutan group an dirhmi kong hi Bush an hei thanh ko nain, anih belte cu ai tel lem rih lo pinah, an i tinhmi a hna a tlakpi hna le hnatlakpi hna lo kong zong a chim rih lo.

Bush cu a rian in an din cang caah, tutan thimnak kongah ai teltum lem lai lo, tiah amah aiawh biachimtu Freddy Ford nih a chim.

Bush nih khuataaktaan kho Republicans pawl nih an uar peng ko rih i, Flody a thihnak kong i bia a chimmi ruangah thangthat a hlawh ngaingai.

Tuan ah khan pulrai a tlun lio caan ah hin American mipi kan lung kan i kah awk a herh, tiin video in thazaangpeknak bia a thlah bal.

Party nakin Ram i hmaithlaak deuh nak

Policies kongah cun Biden hi an hmuhning ai dannak tampi a um ko nain, Biden nih hin nihin America nih a tonmi thil pawl hi a tawlrel khawh deuh ving lai, tiah zumhnak an ngeih caah a tu bantukin amah lei tang dingin karhlannak an tuah hi a si.

Tutan November hi cu, kanmah le kan party nakin kan ram tu hi savo kan coter deuh lai. Biden cozah nih hin upadi a dirhmun a zulh deuh lai i, White House ah hin zumhtlaksinak le teihkha (integrity) hi a sersiam khawh deuh lai, ti kan zumh, tiin an chim.

Kan cawlcanghnak a kan thanpitu an tam ngaingai cang, tiah Kirksey nih a chim.

Super PAC min bunh in cun Biden campaign dirpi lo dingin an tloh hna. Asinain, Biden dirhthok khawhnak dingah phaisa tor le cheng an kawlpiak khawh ve lai.

Hi kongah Biden lei in zeihmanh chim a um rih lo.

Hi hna phu hi ning le cang tein thim a si ko mi US President tangah thumh ai timmi misual phu an si, tiin Trump campaign biachimtu Erin Perrine nih a chim.

Trump hi US security caah tihnung a si cang, tiin Republican lei in national security officials hlun cheukhat nih an hmuh cang caah, Biden tu dirkamh an i tim ve cang. Cu kongah anmah chungtel minung nih Reuters ah an chim.

Miphunthleidannak duh lo in duhlonak an tuahmi ralkap thazaang hman riangmang in palh, then a timhmi kongah ralkap bawi hlun pawl an thin a phawh hna i, Trump a thangchiattu an karh ngaingai cang.

Trump avoinihnak ai thim than lai a duh lo mi Republican phu tampi lakah pakhat a um rih mi phu a dirtu lakah Lincolh Project phu hi a si. Hi phu hi Trump i a counselor Kellyanne Conway i a pasal George Conway hi ai tel ve.

Amah a dohtu Republican pawl le conservative lakin minthang pawl cungah Trump nih a thinhunnak a langhter i, “Trumper um lo tham cun Republicans pawl cu ruhrang minung pawl cu pei nan si ko lai cu” tiin Trump nih Twitter ah a tial. Credit: Chelsea Bawi

 231 total views,  1 views today

This function has been disabled for Chin 11 News.