Trump A Sihni Pa Cu Bia A Chim Lio Ah A Thlen Cu Tisen Bak In A Chuak

Trump a Sihni Pa thlen cu thisen bak in a chuak deng an ti. A umnak hmun hi a sen duhnak a si caah a nak in a lang an ti. A thlen cu a hnawk cawk bak lo ti si.

Mah hi achim lio ah khan a chim bikmi cu “US kan voting system hi Venezuela rammi 2 nih an neihmi company nih a sermi asi, cu hna 2 zong cu mirum George Soros he business partners an si” tiah a chim.

US nih vote counting system a hman mi hi Dominion Voting system ti asi. Mah hi Software le harware hna cu 2002 kum ah khan Toronto, Canada ram ah an rak ser chuahmi asi.

Guliani nih a chim mi hi Smartmatic timi system asi i, Dominion Voting System he aa ral kahmi – competitor company an si. Ai palh cikcek. Credit: Salai Biak

Relchih Ding Caah: Salai Biak nih ca a tialmi ah Salai Bawi Lian Mang nih a tangah Comment a tuahmi hi, theih phu le ruahphu bak a si ko.

 

Comment a tuahmi cu “US democracy a lung a piang lo mi, mi huatnak in power a la mi. Kharihfa Biak nak kha politics ah a nawnnok tu, lihchim le tazacuai nih a lem mi pa.

High school level nak niam tiang lawng Edu a nei mi, biaknak fanatics pawl, phaisa Mahzawn lawng ai ruat i tax pek a duh lo mi pawl nih an uar mi pa. Not wanted dead or alive” tiah a comment hi a si.

Salai Biak nih a tialmi cu:- Kum zabu in a nung i hman cuahmah mi democracy phunghram le democracy ningin thimnak a zum lotu hi – amah hi mi dik lo asi caah mi dang zong a zumh khawh ve lo hna si hnga maw? Trump lei nih election result kong ah lawsuit 21 an tuah cang i, pakhat te zong an tei rih lo.

Georgia ah vote an relter thanmi zong, eibar chuak lai loh tiah an mah lila lei nih an ngawlter than. Pennsylvania ah Guliani nih judge sin ca a kuatmi ah “Pennsylvania” ah Trump hi teinak pe top ko dingin ca a tial mei…”You’re asking this court to invalidate more than 6.8 million votes, thereby disenfranchising every single voter in the commonwealth,” Milu 6.8 millions nih vote mi kha zei rel lo dingin maw na kan hal…???” tiah biaceih bawi nih a hal.

Tutan election phichuak kong ah hin, a dik lomi vote zei maw zat a um hrim lai lo ti awk a tha lo. A um khomi a si. Kum chair a um. Ai palhtu za za, a tuah hramtu zaza an um ko lai. Nain, 100 ah 99% hi cu a dik komi asi. Mah cucu heh tiah an nawr len mi hi, arti in lungpher chehmi ko a lo lai.