Trump A Hlamnak Biazai In A Van Hlawi  Cu Mitthli A Tla Ko Ee!

Na aw aan, Na mui thlaam, A leng ti lo. Kan in hlam Kan thla vai a kiang Ning zong a tti, Khuaza kan cuan Zual bang kawh awk nih ttha ttung lo Zei zuun hme kan tuar? Lung a zuur ne ttung…

Maw Jerusalem lengrual hna, Keimah caah ttap hlah u, Nan fa le ca tu ah ttap u, Hruum thluahmah in hau leng lei na rak panh kha, Thlarau zawn na ruah zawn ah,Thih ningzah zong zei ah na rel lo kha…

Zei can hme kan can, Kan nih kan chan ah, ISIS ralhrang nih Yasidi lengno an ramh hna bang, Liberal nih thlarau vialte a naan dih cang lai hi,Chanh tu au kanh tu ho tal an um lo maw, Lungmawng rual nih le sa le ral khom hliah fawn hlah, Raal kut kan phan ti zong thei lo in, An i lawm khim an i nuam khim, A poi tuk e poi tuk e

Maw khuazing aw… Kan au nak aw hi ngai law, A um ti lo mi ruahchannak zong kan pe rih ko, Na rak thih hnawh mi thlarau vialte, Chan ti lian nih a fenh dih cang hna lai hi, Zaan mang chia tal si ri lo Maranatha…. Credit: Salai Bawiukthang Cizah