TNLA Ukmi Hmunhma Chung Le 2020 Myanmar Ram Pumpi Thimnak Dirhmun

Aralai mi Kawlram pumpi thimnak ding kong he pehtlai in TNLA lei nih an pennak hmunhma chungah thimnak vote thlak ding kong he pehtlai in thawngthanh nak an tuah. TNLA nih anmah pennak hmunhma chung ah a ralai mi 2020 Myanmar ram pumpi thimnak ah a ho paoh nih zalong tein vote thlak khawh le thimnak tuah khawh a si ko lai tiah TNLA ralbawi Bohmu-choh Ta Bung Kyaw nih cun a chim.

Hi thimnak kong ah vote thlak nak kong hi TNLA pennak hmunhma chung ah July 23 ah khan a voikhat nak bik Bulawng tin-ttan boihpek nak an tuah lio ah Myanmar ram pumpi thimnak kong he pehtlai in biahal nak an ngeih mi ah Buhmu-choh Ta Bung Kyaw nih cun a chim mi a si.

Hi bantuk in zalong tein a hopoah vote pek nak nawl kan on piak mi hna hi 2008 phunghram pi kha kan upat le kan duhko tinak kan langhter bia si loin kan mipi hna cung ah a dikfel mi zaukphung kan kal pi chuahmah lio ah mi pakhat nih a ngeih mi zalonnak kha hnorsuan le hnahnawh nak pek kan duh lo caah a si tiah Buhmu-choh Ta Bung Kyaw nih cung a chim.

Cun vote tampi hmuh khawh nak ding ah mipi kan soilem tikhna zong ah miphun hnorsuan nak le dohdalh nak hi um hlah sehlaw anmah le an lungtlin ning cio in zalon nak he vote an thlak ding zong hi kan duh piak hna tiah zong a chim chap.

TNLA pawl nih an penmi hmunhma le pengkulh pawl hna cu Nam San, Maan Htung, Naam Khan, Kuat Khai, Naama Toe, Kyoh Myea, Ti Paw, Lashio, Main Zaw le Moe Myait myohne le pengkulh pawl hna hi an si.

Source: RFA

 168 total views,  1 views today

This function has been disabled for Chin 11 News.