Tulio thawngpang a linsa taktak mi PDF ralkap minung 50 leng cu ralhrang nih an thah hna tiah theih a si. Mah kongah hin Mizzima nih an dothlat lengmang mah thawngpang hi a dik lomi an puah cop meimei a si tiah fian ternak an tuah. PDF ralkap minung 50 an thi lo tiah fianternak an tuah.
Ralhrang bu nih thawngthanhnak an tuah mi cu nihchuah lei khi a si tiah social media ah soi an tong ngaingai, tlangcung hriamtlai dihlak hna i ralring uh, PDF pawl hi hriamnam pe hna hlah uh, cun an sin zongah training kai ter hna hlah uh tiah ralhrang lei nih thawng an thanh.
PDF hrimhrim he i pehtlai hlah uh, a tu uknak tham cu a fek mi cozah a si lo, 2023 ah pei thimnak kan tuah lai i teitu a si mi nih uknak cu an kalpi ko lai cu tiah an chim chih. PDF hrimhrim hriamnam bawm hna hlah uh tiah ralhrang pawl nih tha tein ralrinnak an pek hna.
Relchap:Yangon ramthen ah a dir cio mi PDF Member munung 41 cu August thla thawh ka in 25 kar lak ah kan tlaih hna tiah zahan august 28 ah SAC ralkap nih thawngthanhnak an tuah tiah BBC nih an langhter.
Kan tlaih mi hna chungah hin hriamnam he kan tlaih hna meithal hi 22 a si i Pistol 4 le meithal kuan m cun Bomb he zong kan tlaihchih hna tiah an chim. Kan tlaih khih mi hna chungah hin Yangon khuapi chung puahkehnak ah a tel mi pawl le mithah lainawn nak in sualphawt an tiah an chim.
A tutan an tlaih mi hna hi Hlaing taya, Tantapin, Kuanchiankone, Sanchawng, Hlangg, Tingkachun, Dagon Seikan le South Dagon khua PDF phu 8 nih thawng an thanh ko nain thahnawnnak a chuak hnu ah tlaih mi chungkhar hna hi zeihmanh pehtlaihnak an tuah hna lo.
SAC ralhrang nih an thawngthanh ningah cun puahkeh nak hi voihra hrawng an tuah cang tiah an chim. Mah bantuk a tuah tu pawl hi KNLA sinah training a dih mi pawl an si i, cu ka hmun ah hriamnam cawtu zeimawzat zong an i tel tiah an chim rih. Mah kong he pehtlaiin PDF leiin zeihmanh thawngthanhnak an tuah rih lo.
Leave a Reply