Tlangpar In A Tlaknak Ruangah A Nunnak A Liam Mi Ya Chi Myint Myat Kong Ah A Donghnak Bik Siizung Lei Result

Kayin pyine, Ba-Aan myohne ah a um mi Zwe Kpin Tlang cung ah June 25 ah khan a rak tlau mi University kai lio Mah Ya Chi Myint Myat cu June 27 ah khan Drone hmang in a ruak cu rak hmun a si cang. Mah Ya Chi Myait Myat thih nak kong nih mi tampi an ngaih a chiat ter hna.

Mah Ya Chi Myait Myat a ruak in an char hnu ah siizung lei nih felfai tein check-up an tuah i result an hmuh mi cu mipi theih ding in thawngthanh nak an tuah cawlh ve. Siizung lei nih thawngthanh nak an tuah mi cu “Mah Ya Chi Myaint Myat hi tlangpar in a tlak nak ruang ah a thluak chung ah thisen a rak lut dih, a ke ruh vialte an kiak dih, cun tlangpar a sannak hmun in a rak tlak caah a chungril zong an rawk dih hna caah a nunnak a rak liam hi a si” tiah siizung lei thawngthanh ning cu a si.

Cun Mah Ya Chi Myaint Myat hi a pum cung ah felfai tein check up kan tuah dih mi a si, mitha lo tleihhrem nak ruang ah rak thah hrimhrim mi cu a si lo, tlangpar in a tlaknak ruang ah a thih hi a si ko caah case zong zeihmanh tuah a herh mi a um lai lo tiah thawngthanh nak an tuah.

Siizung lei nih felfai tein thawngthanh nak kan tuah cang bantuk in Mah Ya Chi Myaint Myat case cu lunghrinh mi le nehzulh hau ti lo ding in donghter zong a si cang tiah an langhter chih.

source: D Nae Khit Media

 137 total views,  1 views today

This function has been disabled for Chin 11 News.