Tlanglawng Accident Nak Ruang Ah Minung 22 Ruak An Char Hna

Pakistan ram nichuah lei ah nizan July 3 ah khan tlanglawng accident nak ruang ah an Biaknak puai ah a kal mi hna mi ninung 19 telhchih in minung 22 nunnak a liam tiah Pakistan acozah lei nih thawngthanh nak an tuah.

Pakistan ram nichuah lei Farooqabad City pawngah an pathian thangthat ding in a kal mi hna Pumhnak an dih hnu ah Motor pakhat in an rak lawi lio ah tlanglawng lam cu an hei tanpah I cu lio ah cun tlanglawng nih an mawtaw cu a suk/a tteih caah motor chung ah a um mi hna minung 19 cu an dihlak in an nunnak a liam hi a si. Hi biaknak puai ah a kal mi hna hi an dihlak in Sikh Biaknak a bia mi hna pawl an si hna I Bus a hme mi minung 30 tluk cit khawh mi Bus in a rak loi mi an si tiah biachim tu Quratul Ain nih AFP thawngzamh zung ah thawngthanh nak a tuah.

A thi mi 19 hna hi an dihlak in chungkhat unau lawng te an si hna, a hmun ah hin 20 nunnak a liam cawlh I adang 2 hi siizung an phak pi hna hnuah an nunnak a liam hi a si. Tlanglawng chung ah a um mi pawl cu hliamhna fak ahmu mi dang an um lemlo.

Pakistan ram ah an chanbau ngai mi pakhat cu tlanglawng lam hi motor lam ah an hman chih nak hmun a tam ngai ko nain ralrin peknak ah ceuter ding mei (traffic light) an um tuk hna lo. Tlanglawng lam cung ah an chiah mi hna traffic light pawl zong hi mei tha tein an pek khawh lo caah tlanglawng nih motor a pah ruang ah a thi mi hi an tamtuk cang.

Source: Akon Thi

 126 total views,  1 views today

This function has been disabled for Chin 11 News.