Tuluk ram bawmhnak in ara i SAC tawlrel mi Covid kakuaisii cu ka chun bak lai lo, man phalh zong in ka chun hrim lai lo.
Ka doh mi phu sin in achia lawng hlah, athami zong ka cohlang kho lo.SAC phu thil tuah mi kan cohlan ah hin UN le Asia ram hmai ah mark an ngei tuk,,, Ram mipi ngeih mi Oxygen vialte aa kan chuh dih.Oxygen rawn a herh mi mi tampi an kherh hna.
Oxygen zong an mah SAC politics mark hmuhnak ding ah an hman dih.Rai ruangah mizaw phurtu le bawmtu tampi an tlaih hna.A cu bu i SAC pek mi Kakuai sii chunh ding cu ka ruat kho bak lo.Lairam Laipa
Thawngdang; Kawlram Nichuah-Thlanglei Ah Ralzaam Sing 1.7 Leng An Um Kawlram kong he pehtlaih in United Nations Office for the Coordination of Humanitarian Affiars (UNOCHA) nih a thanhnak ah ralhrangbu cawlcanghnak ruangah Kawlram nichuah-thlanglei (south eastern) ah ralzaam 170,200 an um rih tiah a ti.
Mah ahhin May 21 hnu kahdohnak a chuah pah lengmangnak Kareni le Shan ramkulh thlanglei ah a um mi mipi 121,400 an i tel ve tiah UNOCHA cathanh nih a langhter.
UNOCHA nih Chin ramkulh, Mindat peng le a pawngkam ah mipi ralkap le ralhrangbu kar kahdohnak ruangah Chin ramkulh, Magwe ramthen le Sagaing ramthen chung ralzaam chikhat i dornak hmun ah 100 lengah a um lio mi ralzaam 18,100 an um lio a si tiah a ti.
2021 kum hramthawk in Shan ram thlanglei le chaklei ah ralzaam 22,000 an um i, ralzaam chikhat i dornak hmun 33 ah a dor lio mi 7000 hrawng an um. Rakhine ramkulh peng tampi ah ruahpi sur le ti lianh ruangah a thi mi hna an um bantukin hmunhimnak ah a zaam lio mi a thong in an um tiah UNOCHA nih a langhter.
UNOCHA nih 2021 hnu bawmhnak rianrangin a herh lio mi 2 million bawmhnak caah US $109 million kan ngah khawhnak dingah timhtuahnak kan ngeih lio a si.
Harsatnak a tong lio mi Kawlram bawmhnak caah (HRP) sin ah US $ 276.5 million kan hal mi chungin July 29 tiangah 42% cu kan ngah cang nain a tang rih mi 50% caah bawmhnak fakpi in kan herh rih ko tiah UNOCHA report nih a langhter.Ref; Myanmar Humanitarian update No. 9/30 July 2021. TCP
Leave a Reply